Vətən müharibəsi şəhidi Ömər Qurdayevin doğum günü münasibətilə Balakən rayonunun Meşəşambul kəndində anım tədbiri keçirilib.

Balaken.info xəbər verir ki, şəhidin doğum günü münasibətilə Meşəşambul kənd qəbiristanlığında yerləşən məzarı ziyarət olunub, üzərinə gül dəstələri düzülüb, ruhuna dualar oxunub və əziz xatirəsi ehtiramla yad edilib.

Qurdayev Ömər Şəhmir oğlu 13 iyul 2002-ci ildə Balakən rayonunun Meşəşambul kəndində anadan olub. O, 2020-ci ildə Vətən müharibəsi başlayarkən könüllü olaraq cəbhəyə yollanıb və Füzuli rayonunun azadlığı uğrunda gedən döyüşlərdə iştirak edib.

Ömər Qurdayev 27 sentyabr 2020-ci ildə Füzuli istiqamətində gedən döyüşlər zamanı qəhrəmancasına şəhidlik zirvəsinə ucalıb. O, doğulduğu Meşəşambul kənd qəbiristanlığında dəfn edilib.

Azərbaycan Respublikası Prezidentinin müvafiq sərəncamları ilə Ömər Qurdayev ölümündən sonra "Vətən uğrunda", "Füzulinin azad olunmasına görə", "Xocavəndin azad olunmasına görə" və "Cəsur döyüşçü" medalları ilə təltif edilib. Həmçinin 25 iyun 2026-cı il tarixli sərəncamla 3-cü dərəcəli "Vətənə xidmətə görə" ordeninə layiq görülüb.

Allah bütün şəhidlərimizə rəhmət eləsin, məkanları cənnət olsun.

Şahidi olduğunuz hadisələri çəkib bizə göndərin! 7/24 whatsapp