Azərbaycan Respublikasının Prezidenti yanında Ali Attestasiya Komissiyasının Kollegiyasının qərarı ilə əslən Balakən rayonundan olan Rəvan Əliyevə "Fəlsəfə üzrə fəlsəfə doktoru" (PhD) elmi dərəcəsi verilib.

Balaken.info xəbər verir ki, Rəvan Əliyev sosial fəlsəfə ixtisası üzrə ölkənin ən gənc fəlsəfə doktorlarından biri hesab olunur. O, elmi-tədqiqat fəaliyyəti dövründə sosial fəlsəfə sahəsində apardığı araşdırmalar və elmi işləri ilə diqqət çəkib.

Ali Attestasiya Komissiyasının müvafiq qərarı ilə Rəvan Əliyevin elmi fəaliyyəti yüksək qiymətləndirilərək ona "Fəlsəfə üzrə fəlsəfə doktoru" elmi dərəcəsi təqdim olunub.

Qeyd edək ki, əslən Balakən rayonundan olan Rəvan Əliyevin qazandığı bu uğur rayon sakinləri tərəfindən də böyük sevinc və qürur hissi ilə qarşılanıb. Onun əldə etdiyi nailiyyət gənclər üçün elmə və təhsilə marağın artırılması baxımından nümunə kimi dəyərləndirilir.

Balaken.info kollektivi adından Rəvan Əliyevi bu əlamətdar uğur münasibətilə təbrik edir, gələcək elmi fəaliyyətində yeni nailiyyətlər arzulayırıq.

Şahidi olduğunuz hadisələri çəkib bizə göndərin! 7/24 whatsapp