FLAŞ
» » Elşən Kərimov: Normal insan hər il iki dəfə bütün tibbi müayinələrdən keçməlidir

Elşən Kərimov: Normal insan hər il iki dəfə bütün tibbi müayinələrdən keçməlidir


İnsan o zaman xoşbəxt ola bilər ki, öz peşəsini ürəkdən sevsin. O, dərk etsin ki, bu peşə xalqa lazımdır və onun əməyi xalqa fayda gətirir. Həkimlik sənəti qəhrəmanlıq, hünər deməkdir. Bu peşə insandan fədakarlıq, saf niyyət tələb edir. Hər kəs buna qadir ola bilməz. Bunun üçün həkimin fikri aydın, qəlbi təmiz olmalıdır.

Həkim soyuqqanlı, xoşxasiyyət və insanpərvər olmalıdır. O, xəstə üçün ata, sağalmaqda olan insan üçün mühafizəçi, sağlam şəxs üçün dost hesab edilməlidir. O, xəstənin sağalmağa olan ümidini hər an dəstəkləməlidir.


"Balaken.info” saytının "Bizim müsahibə” rubrikasının budəfəki qonağı tibb aləmində böyük nüfuza malikdir.

-Elşən həkim, necəsiz , işləriniz necə gedir?

-İşlər yaxşıdı, çox şükür. Daha da yaxşı olacaq.

-Əslən Laçın rayonundansız. Laçın rayonu artıq işğaldan azaddır. Laçının azadlığına qovuşmağı sizə necə təsir etdi. Bunu necə qarşıladınız ?  

-Sözlərlə ifadə etməyə çox çətinlik çəkirəm.Sevinc göz yaşları ilə qarşıladım.

-Necə oldu ki, həkim olmaq qərarına gəldiniz. Övladının həkim olması adətən valideyinlərin arzusudur. Sizdə də ailənizin təsiri oldu, yoxsa sizin öz seçiminiz idi ?
 
- Dayımın məsləhəti ilə həkim olmağa qərarına gəldim.Dayım tanınmış stamatoloqdur.

-Universitet həyatınız haqqında danışmaq istərdik.

-Tələbə vaxtı aptekdə çalışırdım. Daha sonra təcili yardımda çalışmağa başladım. 1 nömrəli təcili yardımda çalışmışam.Universiteti bitirdikdən sonra Milli Onkoloji Mərkəzdə,sonrada İstanbul Universiteti Cərrah Paşa Tibb Fakultəsində təhsilimi davam etdirmişəm.

-Belə bir söz var ki, həkimlər başqalarının həyatı üçün öz həyatlarından vaz keçən, ömrünü onlara həsr etmiş şəxslərdir. Siz bu yolu seçmiş insanlardansız. Arxaya geri baxanda ötən zamana görə peşmanlıq çəkirsiz ? 

-Bu peşəni seçməyimə peşman deyiləm. Hər bir gəncə həkim olmağı məsləhət görürəm.

-Balakən rayon Mərkəzi Xəstəxanası ölkəmizdəki karantin xəstəxanalarından biri kimi fəaliyyət göstərdi. Rayondakı, ümumiyyətcə bölgəmizdə Koronavirusla bağlı vəziyyəti necə qiymətləndirirsiniz ? 

-Balakən rayon Mərkəzi Xəstəxanası COVİD - lə mübarizə  yüksək səviyyədə iş görür, həkimlər yardımlarını əsirgəmirdilər, öz işlərini yüksək səviyyədə icra edirdilər. Həkim kollektivi olaraq öz üzərimizə düşəni böyük məsuliyyətlə icra edirdik. USM ehtiyyacı olan COVİD xəstələrini müayinə etmişəm. Xəstələrin arasında xeyli sayda hamilə xanımlar var idi.Xüsusilə həmən dövrdə Dilbər xanım kollektivimiz in rəhbəri kimi olduqca işgüzar fəaliyyət göstərmişdir. Məhz Dilbər xanımın xidmətinin nəticəsi olaraq Balakən rayon Mərkəzi Xəstəxanası ölkənin aparıcı xəstəxanalarından birinə çevrilmiş, əhali xəstəxanadan razılığını yüksək səviyyədə bildirmişdir.

-Koronavirus xəstələrinin sayında yenə artım müşahidə edilir. Balakən əhalisinə nə məsləhətləriniz ola bilər xəstəliklə mühafizə üçün ?

-Bütün insanlar peyvənd qəbul etsinlər. Qoruyucudan istifadə etsinlər. Məsafə saxlasınlar.

-Balakəndən məlumumuzdur ki, xeyli sayda gənc artıq həkim peşəsinə yiyələnib, yada bunun üçün təhsilini davam etdirirlər. Elşən bəy, gələcəyin həkimlərini təcrübəli , özünü bu sahədə təsdiq etmiş biri olaraq necə görmək istəyərdiz və onlara məsəlhətiniz nədir ?

-Həkim olmaq üçün birinci növbədə çox oxumaq lazımdır. Ən azı həyatının 10 ilini verməlisən. 2 xarici dil bilmək, tək tibbi ədəbiyyat oxumaq kifayət etmir. Bir neçə ölkədə tibb təhsilini artırmalıdır.

-USM həkimisiniz. Son olaraq öz sahəniz barədə danışmaq istərdik. Balakəndə hazırda sizin sahənizə bağlı olan xəstəliklərin sayındakı statistik göstəricilər  əvvəlki dövrlərə baxanda necədir və xəstələrə tövsiyəniz  ?

-Xəstəliklər cavanlaşır. Daha çox gənclər arasında xəstəlik artımı var. Sağlam həyat , sağlam qidalanma, stressdən uzaq olsunlar, gün ərzində 5 min addım atmaları, yeriməyə üstünlük versinlər.

-Siz həmdə Aymed klinikasının direktorusunuz. Son olaraq klinikanız haqqında danışmaq istərdik ?

-Klinikamız 2020 - ci ildə istifadəyə verilib. Ən müasir cihazlarla , peşakar kollektivlə fəaliyyət göstərir. Klinikamızda Ultra səs, USM müayinə bölməsi, pediatr bölməsi, laboratoriya bölməsi, Endokrinologiya  fəaliyyət göstərir.Son olaraq qeyd edim ki , Bakı şəhərindən hər ixtisas üzrə ayda bir dəfə həkimlərimiz insanları müayinə etmək üçün gəlirlər.

Balaken.info
İbrahim Şıxməmmədov
Zeynal Amraliyev

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı 050 691 32 26 Whatsapp nömrəsinə göndərin

Prezidentə yazırlar: "İnanırıq ki, biz bütün mübarizələrdə qalib gələcəyik"


Şərh yaz

Şərh yaz

yenilə, əgər kod görünmürsə