Balakən rayonunda aqroturizmin inkişaf etdirilməsi, kənd təsərrüfatı ilə turizm imkanlarının əlaqələndirilməsi və rayonun turizm potensialının daha geniş təbliği istiqamətində görülən işlər müzakirə olunub.

Balaken.info xəbər verir ki, Balakən Rayon İcra Hakimiyyətinin başçısı Natiq Ağayev aqroturizm sahəsinin inkişafı istiqamətində görülən işlərlə tanış olmaq məqsədilə rayonun Qullar kəndində yerləşən meyvə bağında olub.

Səfər zamanı meyvə bağında aqroturizmin inkişafı, mövcud imkanlardan səmərəli istifadə, kənd təsərrüfatı məhsullarının istehsalı ilə turizm fəaliyyətinin əlaqələndirilməsi və yerli turizm potensialının daha geniş şəkildə təbliği istiqamətində hazırlanmış təqdimat nümayiş etdirilib.

Təqdimatı Məhəmməd Bazarov keçirib. O, aqroturizm sahəsində mövcud potensial, bağçılığın inkişafı, yerli və xarici turistlərin kənd təsərrüfatı təsərrüfatlarına cəlb olunması, turistlərə müxtəlif xidmətlərin göstərilməsi, həmçinin istehsal olunan yerli kənd təsərrüfatı məhsullarının turistlərə təqdim edilməsi imkanları barədə məlumat verib.

Təqdimat zamanı meyvə bağının aqroturizm imkanlarından istifadə etməklə turistlər üçün daha cəlbedici məkana çevrilməsi, kənd təsərrüfatı fəaliyyəti ilə turizm xidmətlərinin bir araya gətirilməsi və bu istiqamətdə görülməsi nəzərdə tutulan işlər barədə fikir mübadiləsi aparılıb.

Balakən Rayon İcra Hakimiyyətinin başçısı Natiq Ağayev aqroturizmin rayonun turizm potensialının artırılmasında mühüm əhəmiyyət daşıdığını qeyd edib. Bildirilib ki, bu istiqamətdə həyata keçiriləcək layihələrin müasir tələblərə uyğun qurulması, ərazinin təbii və kənd təsərrüfatı imkanlarından səmərəli istifadə edilməsi və turistlər üçün əlverişli şəraitin yaradılmasının vacibliyini vurğulayıb.

Görüş zamanı təqdimatla bağlı müvafiq məsləhət və tövsiyələrini bildirib, aqroturizm obyektinin gələcək inkişafı, xidmət səviyyəsinin yüksəldilməsi və ərazinin turistlər üçün daha cəlbedici məkana çevrilməsi istiqamətində təkliflər səsləndirilib.

Qeyd olunub ki, Balakənin zəngin təbiəti, əlverişli iqlimi, meyvəçilik ənənələri və kənd təsərrüfatı potensialı aqroturizmin inkişafı üçün geniş imkanlar yaradır. Bu imkanlardan məqsədyönlü istifadə rayonun turizm imkanlarının genişləndirilməsinə, bölgəyə turist axınının artırılmasına və yerli iqtisadi fəallığın inkişafına töhfə verə bilər.

Şahidi olduğunuz hadisələri çəkib bizə göndərin! 7/24 whatsapp