Balakən rayonunda  iqtisadiyyat nazirinin birinci müavini Elnur Əliyev tərəfindən vətəndaş qəbulu keçirilib.

Balaken.info xəbər verir ki, qəbulda Balakən, Zaqatala və Qax rayonlarından olan vətəndaşlar iştirak ediblər. Görüş zamanı sahibkarlığın inkişafı, güzəştli kreditlər, əmlak, vergi, sosial təminat və digər məsələlərlə bağlı müraciətlər dinlənilib.

Qəbul İqtisadiyyat Nazirliyinin aidiyyəti struktur bölmələrinin rəhbərlərinin iştirakı ilə keçirilib. Vətəndaşların hər bir müraciəti diqqətlə araşdırılıb, qaldırılan məsələlər üzrə ətraflı izahat və qanunvericiliyə uyğun əsaslandırılmış cavablar verilib.

Əlavə araşdırma tələb edən müraciətlər isə qanunvericiliyin tələblərinə uyğun olaraq icraata götürülüb və onların həlli istiqamətində müvafiq tədbirlərin görüləcəyi bildirilib.

Qeyd edək ki, mərkəzi icra hakimiyyəti orqanlarının bölgələrdə keçirdiyi vətəndaş qəbulları sakinlərin müraciətlərinin operativ şəkildə araşdırılması və onların problemlərinin həllinə dəstək məqsədi daşıyır.

Şahidi olduğunuz hadisələri çəkib bizə göndərin! 7/24 whatsapp