Azərbaycanda zəlzələ baş verib.

Balakən.info xəbər verir ki, yeraltı təkanlar ölkənin bir sıra rayonlarında, o cümlədən Balakən, Zaqatala, Qəbələ və İsmayıllıda hiss olunub.

Azərbaycan Milli Elmlər Akademiyasının nəzdində fəaliyyət göstərən Respublika Seysmoloji Xidmət Mərkəzinin yaydığı məlumata görə, zəlzələ saat 15:13-də Qəbələ stansiyasından 11 kilometr cənub-qərbdə, Qəbələ rayonu ərazisində qeydə alınıb.

Məlumata əsasən, zəlzələnin maqnitudası 5.1 olub. Yeraltı təkanlar episentrdə və episentrə yaxın yaşayış məntəqələrində 5-3 bala qədər hiss edilib.

Fövqəladə Hallar Nazirliyindən (FHN) bildirilib ki, zəlzələ nəticəsində hər hansı dağıntı və ya insan xəsarəti barədə bu vaxtadək nazirliyə məlumat daxil olmayıb.

Hadisə ilə bağlı vəziyyət nəzarətdə saxlanılır.

Şahidi olduğunuz hadisələri çəkib bizə göndərin! 7/24 whatsapp