İnsan həyatı hər zaman eniş - yoxuşlu olur. Hərənin Allahdan bir ömür payı olur, hər kəs bir taleyi yaşayır. Hər şeyin başlanğıcı, bütün gözəlliklərin ən gözəli insanın özüdür. Bu dünyada hər şey insandan asılır. Hər bir insanın amalıdır faydalı olmaq, bu dünya üçün nəsə etmək. Nə xoşdur bunu bacaran insana. Bunu etmək üçün güc lazımdır, sağlam düşüncə lazımdır. Sağlam bədəndə sağlam ruh olar deyiblər. Sağlamlıq deyəndə ağla gələn elmdir tibb elmi.

Həkim hər zaman dəyərli olub, hər zaman gərəkli olub bu peşə.Xüsusi ilə fövqaladə hallarda, müharibə, kütləvi xəstəlik, epidəmiyalar meydana çıxanda ilk köməyə çatan olan tibb işçiləri Onlar yenə mübarizə əsgərlərdi. Ailə qayğısını, şəxsi problemlərini bir kənara qoyub insanlığın xilası üçün savaşa gördülər, bu amansız gözəgörünməz düşmənlə savaşırlar. Tibb ocaqlarına hər yerdə rast gələ bilərsiz. Ən elit şəhərlərdən ən ucqar balaca kəndlərə qədər hər yerdə böyükdən balacaya tibb məntəqəsi fəaliyyət göstərir və insan yaşadıqca göstərəcəkdə.

Bu möhtəşəm elm, bu əzmkar peşə haqqında ən böyük təsəvvürlərin sözsüz ki, anadan olduğum və böyüdüyüm Balakən rayon Mərkəzi Xəstəxanası və onun kollektivi haqqındadır. Bəzən elə olur ki, özünüz öz sağlamlığınızla bacarmırıq, ehtiyyac olur bu şəfa ocağının qapısını döyməyə. Mənim xatirimdə ki bu tibb müəssəsi gözoxşayan möhtəşəm binadan, səliqəli həyətindən, səmimi və peşakar kollektivindən ibarətdir. Yaxşı deyirlər ki, danış görüm sən kimsən. Xəstəxanadakı tibb kollektivi ilə danışdıqda insanların öz işinə necə yandırmasının, məsuliyyətinin şahidi olursan.Dövlətimiz yanılmamışdı bu çətin və məşəqqətli vəzifəni bizim həkimlərimizə etibar etməklə. Çünkü Balakən həkimləri öz işlərini şərəflə, ləyaqətlə gördülər. Dövlətin onlara göstərdiyi bu inamı layiqincə doğrulda bildilər. Demək olar ki,  Koronavirusa görə ən az ölümündə, ən  yoluxmanında bu regionda olması görülən müsbət işin, yüksək peşəkarlığın əyani sübutudur. Xəstəxananımız karantin xəstəxanası elan edildiyi üçün rayonumuzun sakinləri digər xəstəliklərin müalicəsi üçün qonşu Zaqatala rayonuna üz tuturlar. Qonşu evi öz evin kimi olmaz deyib atalarımız.   Hər bir rayon sakinin ən böyük arzusudur bu vəziyyətin tezliklə bitməsi və yenə doğma xəstəxanamızın bizim sağlamlığımızı qoruması. Biz öz həkimlərimizə inanırıq. Bilirik, ən böyük zəhməti olar çəkir. İnşallah tezliklə bu virus birdəfəlik bizlərdən birdəfəlik uzaqlaşacaq.

Çox sağolun Azərbaycan həkimləri, çox saolun Balakən həkimləri. Mübarizə davam edir. Həkimin xəstəliklə mübarizəsi daimi olur deyirlər. Dilbər xanım başda olmaqla Balakən rayon Mərkəzi Xəstəxanasının kollektivinə bu mübarizədə uğurlar diləyirəm. Biz sizə güvənirik. Allah köməyiniz olsun.

İbrahim Şıxməmmədov
Balaken.info