Balaken.info xəbər verir ki, 30 iyul 2026-cı il tarixində Balakən şəhərində yerli sənətkarların və kiçik ailə biznesi ilə məşğul olan vətəndaşların iştirakı ilə "Sənətkarlara və kiçik ailə biznesinə dəstək" adlı tədbir keçiriləcək.

"Memarlıq və Şəhərsalma İli – 2026" çərçivəsində təşkil olunan tədbirin əsas məqsədi yerli sənətkarların əl işlərinin nümayişi və satışı, həmçinin kiçik ailə bizneslərinin tanıdılması və inkişafına dəstək göstərməkdir.

Daş və taxta üzərində oyma, xalçaçılıq, toxuculuq, dulusçuluq və digər sənət növləri ilə məşğul olan bütün vətəndaşlar tədbirdə iştirak etməyə dəvət olunur.

Tədbir 30 iyul 2026-cı il saat 14:30-da Balakən şəhərində yerləşən Heydər Əliyev adına Parkda keçiriləcək.

Bu təşəbbüs yerli istehsalçıların və sənətkarların fəaliyyətinin geniş ictimaiyyətə təqdim olunması, onların məhsullarının tanıdılması və satış imkanlarının artırılmasına xidmət edir.

Şahidi olduğunuz hadisələri çəkib bizə göndərin! 7/24 whatsapp