Şəmkir rayonunda iki yük avtomobilinin iştirakı ilə yol-nəqliyyat hadisəsi baş verib.

Hadisə avqustun 5-də saat 02:30 radələrində Bakı–Qazax–Gürcüstan sərhədi avtomobil yolunun Şəmkir rayonunun Sabirkənd kəndi ərazisindən keçən 419-cu kilometrliyində qeydə alınıb.

Məlumata görə, Kəlbəcər rayonunun Abdullahuşağı kəndində qeydiyyatda olan, 1964-cü il təvəllüdlü Salman Feyzi oğlu Verdiyevin idarə etdiyi DAF markalı, 77-XR-439 dövlət qeydiyyat nişanlı yük avtomobili Balakən rayonunun Hənifə kənd sakini, 1990-cı il təvəllüdlü Nurlan İbrahim oğlu Bayramovun idarə etdiyi KamAZ markalı, 10-NT-186 dövlət qeydiyyat nişanlı yük maşınına arxadan çırpılıb.

Qəza nəticəsində DAF markalı yük avtomobilinin sürücüsü müxtəlif dərəcəli xəsarətlər alıb.

TƏBİB-in yaydığı məlumata əsasən, xəsarət alan şəxs avqustun 5-də saat 03:00-da Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub. Ona bədənin müxtəlif nahiyələrinin səthi travması diaqnozu təyin edilib, zəruri tibbi yardım göstərilib. Vəziyyəti qənaətbəxş qiymətləndirildiyindən ambulator müalicə üçün evə buraxılıb.

Faktı Baş Dövlət Yol Polisi İdarəsi təsdiqləyib. Hadisənin başvermə səbəbləri araşdırılır.oxuaz//

Şahidi olduğunuz hadisələri çəkib bizə göndərin! 7/24 whatsapp