Novruzov Amin Taciddin oğlu 16 avqust 1996-cı ildə Balakən rayonunun Qullar kəndində anadan olub. Azərbaycan Respublikası Dövlət Sərhəd Xidmətinin kiçik giziri olan Amin Novruzov 2020-ci ildə Vətən müharibəsi zamanı Füzuli və Zəngilan rayonlarının azadlığı uğrunda gedən döyüşlərdə iştirak edib.

O, 2 noyabr 2020-ci ildə Zəngilan rayonu istiqamətində gedən döyüşlər zamanı qəhrəmancasına şəhid olub və Balakən Şəhidlər Xiyabanında dəfn edilib.

Azərbaycan Respublikası Prezidentinin 9 dekabr 2020-ci il tarixli 2336 nömrəli Sərəncamına əsasən Amin Novruzova ölümündən sonra “Vətən Müharibəsi Qəhrəmanı” adı verilib. Həmçinin şəhidimiz “Vətən uğrunda” və “Zəngilanın azad olunmasına görə” medalları ilə təltif olunub.

Şəhidimizin doğum günü münasibətilə Balakən Şəhidlər Xiyabanında məzarı ziyarət edilib, ruhuna dualar oxunub və əziz xatirəsi dərin ehtiramla yad olunub.


Allah bütün şəhidlərimizə rəhmət eləsin!

Şahidi olduğunuz hadisələri çəkib bizə göndərin! 7/24 whatsapp