12 avqust 2026-cı il tarixində Balakən şəhərində, Heydər Əliyev adına mədəniyyət və istirahət parkında Beynəlxalq Gənclər günü ilə bağlı tədbir keçirilib. Respublikanın müxtəlif bölgələrindən  gənclərin iştirak etdiyi tədbirdə gənclərin bilik, bacarıq, istedad və yaradıcılıqları nümayiş olunub.

Festival çərçivəsində sərgilər, əl işləri, STEAM layihələri, kitab sərgiləri və müxtəlif interaktiv tədbirlər təşkil edilib. Axşam saatlarında isə gənclərin ifasında musiqi və rəqs kompozisiyaları təqdim olunub.

Tədbir Balakən Rayon İcra Hakimiyyəti, Gənclər və İdman Nazirliyi,  aidiyyəti dövlət qurumları, gənclər evləri və müxtəlif tərəfdaş təşkilatların dəstəyi ilə keçirilib.

Balakən Gənclər Festivalı gənclərin potensialının, yaradıcılığının və birliyinin nümayiş olunduğu, rayonun ictimai-mədəni həyatında yaddaqalan iz buraxan böyük bir bayrama çevrilib.

Şahidi olduğunuz hadisələri çəkib bizə göndərin! 7/24 whatsapp