» » Milli Məclis təkbaşına hansısa ölkəyə müharibə elan edə bilməz-deputat Nəsib Məhəməliyev

Milli Məclis təkbaşına hansısa ölkəyə müharibə elan edə bilməz-deputat Nəsib Məhəməliyev


Müdafiə Nazirliyinin “Azərbaycan Respublikasının Müdafiə haqqında Qanunu”nun 4-cü maddəsinin müvafiq bəndinə əsasən “müharibə elan edilməsinə və sülh bağlanılmasına razılıq” verilməsi Milli Məclisin səlahiyyətləri çərçivəsindədir açıqlamasına münasibət bildirən deputat Nəsib Məhəməliyev visiontv.az saytına bildirdi ki, Müdafiə nazirliyinin istinad erdiyi müddəa , Azərbaycan Respublikasının müdafiəsi haqqında qanununun 4-cü maddəsində əksini tapmışdır:

``Müharibə elan olunması və sülh bağlanılmasına razılıq, verilməsi parlamentin səlahiyyətinə aiddir. Ancaq bu o anlama gəlməməlidir ki, Milli Məclis istənilən anda təkbaşına hansısa ölkəyə müharibə elan edə bilər. Müasir dünyada müharibə elan olunması üçün ölkə daxili şərtlərlə yanaşı, beynəlxalq birliyin münasibəti, bölgədə geosiyasi maraqları olan supergüclərin razılığı və yaxud heç olmasa neytrallığını təmin etmək lazımdır. Hər şey dəqiqliklə ölçülüb biçilməlidir. Əks halda, arzu olunmaz problemlərlə qarşılaşa bilərik. Heç kim üçün sirr deyil ki, Azərbaycan ordusu ən müasir slahlarla, texnika ilə təchiz olunmuşdur. Ordunun döyüş qabiliyyəti günü gündən təkmilləşir. Şəxsi heyətin psixoji hazırlığı, döyüş ruhu yüksək səviyyədədir. 2016-cı ilin aprel döyüşlərini, hər il Moskvada keçirilən hərbi idman yarışlarındakı nəticələri, son zamanlar real döyüş şəraitinə uyğun, sistemli şəkildə keçirilən təlimləri xatırlamaq kifayətdir ki, ordumuz hər an qarşıya qoyulmuş tapşırığı icra edə bilər. İndiki halda, biz cəmiyyət olaraq silahlı qüvvələrimizi daha da inkişaf etdirməli, beynəlxalq şərait imkan verən kimi, maksimum qısa müddət ərzində problemi birdəfəlik həll etməlyik. Bəzi hallarda sosial şəbəkələr vasitəsilə müharibəyə çağırışlar, müxtəlif ərazilərin bombalanması, raketlərlə vurulması barədə qeyri-ciddi çağırışlar səsləndirilir. Anlayıram ki, bir çox vətənfaşlarımız dünyada baş verən haqsızlıqlardan, ikili standartlardan bezərək belə fikirlər səsləndirirlər. Biz bir şeyi başa düşməliyik ki, torpaqlarımızın azad olunmasını hamıdan çox ölkə Başçısı, Ali Baş komandan İlham Əliyev arzulayır. Ancaq bu da faktdır ki, müasir dünya geosiyasəti, beynəlxalq münasibətlər sistemi ilə bağlı ən çox informasiya bazasına da ölkə Başçısı malikdir. Bu baxımdan ən ağır məsuliyyət də elə onun çiyinlərindədir. Həmişə hesab etmişəm ki, ən müdrik rəhbər odur ki, tarixin ən mürəkkəb kataklizmlərində millətinin bütövlüyünü, təhlükəsizliyini qoruyur. Keçdiyimiz tarixi yol imkan vermir ki, bir daha səhvə yol verək.``

Biz komfort zonamızı tərk etdiyimiz andan daha çox öyrənməyə başlayırıq