İlk növbədə tamahlarının qurbanına çevrilirlər. İkincisi, mənəm-mənəmlik,vəzifənin verdiyi imkanlardan sui-istifadə edərək,bir çoxlarının savadına,peşəkarlığına,əxlaqına görə tutduğu posta layiq olmadığına baxmayaraq,özündən qat-qat ziyalı insanların yanında nöqsanlarını gizlətmək üçün daim təzyiq altında saxlamaq üçün bu addımları atırlar.

Bu tipli insanlar düşünür ki, əyalətlərdə bunlar nəzarətdən kənar istədiklərini edə bilərlər, yanılırlar. Xatırlayırsınızsa cənab İlham Əliyev 2018-ci ilin aprel seçkilərindən sonra,cəmiyyətin bütün sahələrini əhatə edəcək köklü islahatların aparılacağı barədə bəyanatla çıxış etmişdi. Ötən müddətdə, dövlət idarəetmə sistemində,hakimiyyətin hər üç qolunda ciddi islahatlar aparıldı və proses davam edir. Dəfələrlə kadr təyinatlarında,onların necə işləmələri, xalqa xidmət etmələri, neqativ hallara yol verməmələri barədə tapşırıqlarını verməsinə baxmayaraq, bəziləri özlərini toxunulmaz hesab edərək qanunsuz fəaliyyətlərini davam etdirdilər. Bununla da minlərlə insanı dövlətdən narazı saldılar. Nəticəsi də belə acınacaqlı olur. Ələlxüsus, bütün dünyanın koronovirus pandemiyası ilə mübarizə apardığı, karantin rejiminə görə dövlətin imkansız ailələrə, günəmuzd çalışan insanlara göstərdiyi yardımı mənimsəyənlərə, əhaliyə şəxsi mülkiyyəti kimi baxan məmurlara qarşı mübarizə sərtləşdirilməlidir”.

Biləsuvar İcra Hakimiyyətinin başçısı Mahir Quliyevin saxlanılmasının ardından bu gün İmişlidən analoji xəbər gəldi. Müxtəlif mənbələrdən verilən məlumatlara görə, bu da son olmayacaq, yoxlamalar müxtəlif rayonlarda davam etdiriləcək.Azərbaycanda kadr islahatlarının davam etdiyi son 2 ildə “şir ürəyi” yeyərək qanunsuzluq edən və tutduğu postdan kənarlaşdırılan İcra başçıları barədə xatırlatma vermək istərdim.


2020-ci ilin fevralında Neftçala Rayon İcra Hakimiyyətinin başçısı İsmayıl Vəliyev xidməti otağında Dövlət Təhlükəsizliyi Xidmətinin əməkdaşları tərəfindən saxlanılıb. Dövlət Təhlükəsizliyi Xidmətinin yaydığı məlumata görə, İsmayıl Vəliyevin şəxsən, habelə icra hakimiyyəti başçısının birinci müavini Vurğun Əkbərov, Memarlıq və tikinti şöbəsinin müdiri Vüqar Nağıyev, tabeliyində olan digər vəzifəli şəxslər vasitəsi ilə rayon ərazisində fərdi sahibkarlıq fəaliyyəti ilə məşğul olan şəxslərdən müxtəlif adlar altında pul vəsaitləri tələb edərək almasına əsaslı şübhələr müəyyən edilib.

2019-cu il dekabrın 19-da Ağstafa Rayon İcra Hakimiyyətinin icra başçısı Nizaməddin Quliyev Dövlət Təhlükəsizliyi Xidmətinin keçirdiyi xüsusi əməliyyat nəticəsində saxlanılıb. N.Quliyev müavini Ramiz Tatarov vasitəsilə fərdi sahibkarlıq fəaliyyəti ilə məşğul olan şəxslərdən müxtəlif əsaslarla rüşvət tələb edərək almasına dair əsaslı şübhələr müəyyən olunub.

2019-cu il dekabrın 19-da Yevlax Şəhər İcra Hakimiyyətinin başçısı Qoca Səmədov Dövlət Təhlükəsizliyi Xidmətinin keçirdiyi xüsusi əməliyyat nəticəsində saxlanılıb. O, icra başçısı işlədiyi müddətdə dövlət büdcəsini talamaqda, işsiz vətəndaşların ictimai işlərə cəlb edilməsi üçün ayrılan külli miqdarda əmək haqlarını ələ keçirməkdə, adı müxtəlif işlərdə rəsmiləşdirilən 133 Yevlax sakininin adına açılmış əmək haqqı kartlarından 236.000 manat dövlət vəsaiti mənimsənilməkdə, habelə abadlıq adı altında yüz minlərlə manat büdcə vəsaitini “otkat” şəklində geri almaqda günahlandırılır.

Yeri gəlmişkən əldə etdiyimiz məlumata görə,İmişli rayonunun hələlik başçııs vəzifəsində qalan Vilyam Hacıyev xəstə və kasıb doğma bacısını qapısına buraxmırmış Öz doğmasının üzünə baxmayan xalqa can yandıracaqdı?Görünür ki, seçildikdən sonra rəhbərlik etdikləri rayona başçılıq yox başkəsənlik edən bu sistem dəyişdirilməli bələdiyyə formatı ilə əvəz olunmalıdır.