» » "Bəzi vətəndaşların səhlənkarlığı davam etsə, qaydalar sərtləşdirilə bilər"-Deputat

"Bəzi vətəndaşların səhlənkarlığı davam etsə, qaydalar sərtləşdirilə bilər"-Deputat


"Azərbaycan hökuməti koronovirusun qarşısının alınması üçün mümkün olan bütün tədbirləri görür və görəcəkdir".

Bunu Sonxeber.az-a danışan deputat Nəsib Məhəməliyev bildirib.

Deputat qeyd edib ki, vətəndaşların da sosial məsuliyyətinin artırılmasına, tətbiq olunan qanun və qaydalara ciddi riayət etməsi olduqca vacibdir: "Kütləvi informasiya vasitələrindən aldığımız məlumatlara görə, yaş məhdudiyyətinə baxmayaraq, 65 yaşdan yuxarı vətəndaşlarımız küçələrə çıxır, bəzi hallarda açıq şəkildə rejimi pozurlar. Bu qeyri-ciddi münasibət, ətraf mühitə hörmətsizlikdir. Qətiyyən belə olmaz. O insanlar başa düşmürlər ki, belə davranışla, başqalarının həyatını təhlükə altına salırlar. Bəzi hallarda gənclər də kifayət qədər ciddi davranış sərgiləmirlər. Baxmayaraq ki, əksər televiziya kanallarında, sosial şəbəkələrdə kifayət qədər təbliğat aparılır, dövlət təchizat, təminat baxımından öz üzərinə düşən vəzifələri yerinə yetirir. Ümumvətəndaş məsuliyyəti, birlik olmadan koronovirusun yayılmasının qarşısının alınması çətinləşər. Mütləq dövlət- xalq birliyinin olması vacibdir. Əgər bəzi vətəndaşlarımız səhlənkarlığa yol verəcəklərsə, qaydaların sərtləşdirilməsi qaçılmaz olacaq. Dünyasını dəyişənə Allah rəhmət eləsin".

Müasir icra başçısı necə olmalıdır?