» » Deputatlığa namizəd Nəsib Məhəməliyev Şambul kəndində seçicilərlə görüş keçirdi

Deputatlığa namizəd Nəsib Məhəməliyev Şambul kəndində seçicilərlə görüş keçirdi


29 yanvar 2020-ci ildə saat 15:00-da Yeni Azərbaycan Partiyasının 109 saylı Balakən seçki dairəsindən deputatlığa namizədi Nəsib Məhəməliyev İmam Şamil adına Şambul kənd tam orta məktəbində bu kənddən olan seçicilərlə görüş keçirmişdir. 

Tədbiri giriş sözü ilə açan YAP-ın rayon təşkilatının sədri Azad Balayev növbədənkənar parlament seçkilərinin keçirilməsinin mahiyyətini izah edərək rayon təşkilatının YAP-ın İdarə Heyətinin Nəsib müəllimi 109 saylı Balakən seçki dairəsindən deputatlığa namizədliyini irəli sürməsini böyük sevinclə qarşıladıqlarını bildirdi.

Nəsib Məhəməliyevin əvvəlki çağırış parlamentdəki deputatlıq fəaliyyəti barədə seçiciləri məlumatlandıran Azad Balayev bu müddətdə Nəsib Məhəməliyevin rayonun tərəqqisi üçün qanunverici orqanda daim çalışdığını qeyd etdi.

Daha sonra çıxış edən rayon Ağsaqqallar Şurasının sədri, YAP-ın deputatlığa namizədinin vəkili Rəşid Musayev Nəsib Məhəməliyevi 25 ildir tanıdığını, bu müddətdə ərzində onun hansı vəzifədə olmasından asılı olmayaraq daim öz fəaliyyəti ilə rayonun inkişafı üçün çalışdığını bildirdi.

Rəşid müəllim növbəti çağırışda da rayon ziyalılarının Nəsib Məhəməliyevi Milli Məclisin deputatı kimi görmək istədiklərini diqqətə çatdırdı.

Çıxış edən deputatlığa namizəd Nəsib Məhəməliyev Şambul kənd sakinlərinə görüşdə fəallıq göstərdikləri üçün öz minnətdarlığını bildirdirərək Şambul kəndi ilə bağlı öz təəsüratlarını sakinlərlə bölüşdü.

Nəsib Məhəməliyev Azərbaycan Respublikasının prezidenti İlham Əliyevin və Birinci Vitse-Prezidenti Mehriban xanım Əliyevanın ölkədə həyata keçirdiyi məqsədyönlü siyasi xəttdən danışaraq, bu siyasətin ölkədə tərəqiyyə səbəb olduğunu, Azərbaycanı "sabitlik adası" na çevirdiyini bildirdi. Deputatlığa namizəd hər kəsi cənab prezidentin ətrafında sıx birləşərək Yeni Azərbaycan Partiyasının siyasi xəttini müdafiə etməyə səslədi.

Çıxış edən kənd sakinlərindən Xanım Zurnayev, Məhəmməd Horcalov və Ömər Zurnayev kəndin ümumi problemləri haqqında deputatlığa namizədə məlumat verdilər. Bütün problemli məsələlər qeydə alındı və onların həll olunması üçün qanun çərçivəsində əməlli adımların atılacağı bildirildi.

Kənd sakini Aqil Kalayev isə çıxış edərək Nəsib müəllimin həm rayon icra başçısı olduğu zaman, həmdə rayonun deputatı olduğu zaman Şambul kəndini daim diqqətdə saxladığını, hər zaman kəndin probelmlərinin həlli üçün əlindən gələni əsirgəmədiyini dedi. Aqil Kalayev bu yüksək fəaliyyətinə görə kənd əhalisi adından Nəsib müəllimə təşəkkür etdi.

Tədbir YAP tərəfindən irəli sürülmüş deputatlığa namizəd Nəsib Məhəməliyevin yekun nitqi ilə sona çatdı.
























Azərbaycanın peykləri