Balakəndə intihar hadisəsi baş verib.

APA-nın şimal-qərb bürosunun məlumatına görə, hadisə rayonun Kortala kəndində qeydə alınıb. Kənd sakini, 1935-ci il təvəllüdlü Sabir İbrahimhacı oğlu Şirinovun meyiti ailə üzvləri tərəfindən yaşadığı evin həyətyanı sahəsindəki yardımçı tikilidə asılı vəziyyətdə aşkar edilib.

S. Şirinovun özünə qəsd etməsinin səbəbləri hələlik məlum deyil. 

Faktla bağlı Balakən rayon Prokurorluğunda araşdırma aparılır.