Bu gün saat 11:00-da YAP-ın 109 saylı Balakən seçki dairəsindən deputatlığa namizədi Nəsib Məhəməliyevin Poçtbinə kənd sakinləri ilə görüş keçirilmişdir. Tədbiri giriş sözü ilə açan YAP-ın Balakən rayon təşkilatının sədri Azad Balayev ölkədə keçirilən islahatlardan söz açmış, islahat prosesində qanunverici orqanın yenilənməsinində mühüm olduğunu və dövlət başçısı cənab İlham Əliyevin 9 fevral 2020-ci il tarixinə 6-cı çağırış Azərbaycan Respublikasının Milli Məclisinə seçkilər təyin etdiyini bildirmişdir.

Kənd sakinləri çıxış edərək kəndə gələn yolun asfatlanması və məktəbin maddi-texniki vəziyyətinin qismən yaxşılaşdırılmasını xaiş etdi.

Daha sonra çıxış edən deputatlığa namizəd Nəsib Məhəməliyev cənab prizedentin başlatdığı kadr islahatlarından, YAP həyata keçirdiyi siyasətdən, rayon və kəndlə bağlı olan fikirlərini seçicilərə çatdırdı.

Çıxış edən kənd sakinlərindən Rəşid Qardaşov və Nadir Xipiyev şəxsi və kəndlə bağlı olan müxtəlif problemləri deputatlığa namizədin diqqətinə çatdırdılar.

Sonda çıxış edən kənd ağsaqqalı Məhəməli Şaxrayev Nəsib Məhəməliyevə rayon icra hakimiyyətinin başçısı və rayonun deputatı olarkən Poçtbinə kəndi, ümumi Balakən rayonu üçün gördüyü işlərə görə kənd camaatı adından təşəkkür etdi.

Daha sonra isə Nəsib Məhəməliyev Poçtbinə kəndinin qonşuluğunda yerləşən Qullar kəndində Səməd Vurğun adına Qullar kənd 1 saylı tam orta məktəbinə baş çəkdi, məktəbin ümumi vəziyyəti ilə tanış oldu. Məktəbin direktoru Elçin Musayev məktəbin uğurları barədə və problemləri barədə məlumat verdi. Bu məktəbin Balakən rayonun icra başçısı olduğu zaman tikildiyini xatırlayan deputatlığa namizəd məktəb kollektivinə bol uğurlar arzu etdi.

Poçtbinə kənd sakinləri ilə görüş















Səməd Vurğun adına Qullar kənd 1 saylı tam orta məktəb