"Qarabağın azad olunması istiqamətində işlərimizi sürətləndirməliyik" - Qənirə Paşayeva Redaktor 9-08-2019, 13:58 Siyasət 1 036 “İşğalçı Ermənistanın baş nazirinin bu addımı tamamilə bir təxribatdır və bu belə də dəyərləndirilməlidir. Çünki işğalçı Ermənistanın baş naziri də, vətəndaşları da çox yaxşı bilir ki, Dağlıq Qarabağ heç vaxt Ermənistanın olmayıb və heç vaxt da olmayacaq. Dağlıq Qarabağ Azərbaycan dövlətinin bir parçasıdır, bu hər zaman belə olub və bütün dünya ölkələri tərəfindən də tanınıb. Yəni bütün dünya ölkələri Azərbaycanın ərazi bütövlüyünü tanıyıb və o ərazi bütövlüyünün daxilində də Dağlıq Qarabağ da var". Bu barədə Balaken.info-ya özəl açıqlamasında Milli Məclisin deputatı Qənirə Paşayeva Ermənistanın baş naziri Nikol Paşinyanın avqustun 5-də Azərbaycanın işğal olunmuş Xankəndi şəhərində verdiyi "Qarabağ Ermənistandır" bəyanatına münasibət bildirərkən deyib. Xanım millət vəkili dünyanın bütün beynəlxalq təşkilatlarının da Azərbaycanın ərazi bütövlüyünü tanıdığını qeyd edərək bildirib ki, Azərbaycanın Ali Baş Komandanın söylədiyi kimi, heç vaxt heç bir ölkə Dağlıq Qarabağı Ermənistanın bir parçası kimi tanımayacaq: "Bu mümkünsüz bir şeydir. Çünki, yenə deyirəm, Dağlıq Qarabağ Azərbaycanın bir parçasıdır və beynəlxalq qurumlar tərəfindən də bu belə qəbul edilib. Beynəlxalq təşkilatlar tərəfindən qəbul edilən sənədlərdə də, bu, birmənalı şəkildə öz əksini tapıb. Ona görə Dağlıq Qarabağın nə Ermənistana birləşdirilməsi, nə də işğalçı Ermənistanın dəstəyi ilə orda yaradılmış separatçı rejimin ölkələr tərəfindən tanınması mümkünsüz bir şeydir. Nə də Ermənistanın işğal etdiyi Azərbaycan torpaqlarında onların dəstəyi ilə yaradılmış separatçı rejimi də dünya ölkələrinin, beynəlxalq təşkilatların heç biri tanımayacaq. Necə ki, bu günə qədər tanınmayıb, bundan sonra da olmayacaq. Ali Baş Komandanımızın vurğuladığı kimi, Azərbaycan dövləti buna heç zaman imkan verməyib və bundan sonra verməyəcək. İşğalçı ölkənin baş naziri də bunu çox yaxşı bilir. Sadəcə bu bir təxribatdır. Bilirsiniz ki, işğalçı ölkədə vəziyyət getdikcə daha da pizləşir və Ermənistanın baş nazirinin xalqa verdiyi vədlər də özünü doğrultmur və onun mövqeləri daha da zəifləyir. Ona görə də bunlar işğalçı Ermənistanda daxili auditoriyaya hesablanmış bir addımdır və Dağlıq Qarabağda qurulmuş separatçı rejimin dəstəyini qazanmaq üçündür. Ermənilər hər zaman bundan istifadə ediblər. Ermənistanın bundan öncəki rəhbərliyi də, indiki rəhbərliyi də bu məsələlərdən istifadə ediblər. Yəni Ermənistanın daxilindəki daha da ağırlaşan vəziyyətdən insanların diqqətini yayındırmaq üçün, getdikcə azalan reytinqlərini itirməmək üçün hər zaman bu cür təxribatlardan istifadə edirlər. İndi Nokol Paşinyan da bundan istifadə edir". Qənirə Paşayeva qeyd edib ki, ermənilər bu məsələnin gerçək olmadığını və heç vaxt da realllıq olmayacağının çox yaxşı fərqindədirlər: "Təbii ki, biz Azərbaycan olaraq bu məsələyə öz etirazımızı bildirməklə bərabər, Paşinyanın bu cür təxribat xarakterli açıqlamalarını bütün beynəlxalq təşkilatların diqqətinə çatdırmaqla bərabər, ATƏT-in Minsk qrupunun həmsədrlərinin bununla bağlı çox ciddi, sərt reaksiya və açıqlamalar vermələrini tələb etməliyik. Bu tələbimizi də səsləndirməliyik. Biz Azərbaycan vətəndaşları, millət vəkilləri olaraq bu tələbimizi səsləndiririk və qurumlarımız da təbii ki, bu tələbi səsləndirirlər ki, ATƏT-in Minsk qrupunun həmsədrləri Nikol Paşinyanın danışıqlar prosesinə zərbə vuran bu kimi açıqlamalarına ciddi şəkildə etiraz bildirməldir. Onlar işğalçı Ermənistana bu cür təxribatları durdurmaq üçün təzyiqlər etməlidirlər. Çox təəssüf ki, ATƏT-in Minsk qrupunun həmsədrlərindən biz heç zaman obyektiv mövqe görmədik və bu məsələdə də onların susqunluğunu görürük. Ona görə də ciddi şəkildə onların qarşısında tələblə çıxış etməliyik ki, bu cür təxribatçı açıalamalara ATƏT-in ciddi etirazı olmalıdır". Millət vəkili işğalçı ölkənin baş nazirinin təxribatçı açıqlamaları ilə bağlı onu da bildirib ki, Azərbaycan dövləti cənubi Qafqazın getdikcə daha da güclənən dövlətidir. "Bu gün Azərbaycan ordusu regionun ən güclü ordusudur. Ordumuz artıq dünya orduları içərisində getdikcə öz reytinqini gücləndirən bir ordudur. Azərbaycan dövlətinin və ordusunun daha da inkişaf etməsi işğalçı Ermənistanı daha da qıcıqılandırır və onlar davamlı olaraq bu cür təxribatçı açıqlamaları ilə öz iqtidarlarını qoruyub saxlamaq üçün Ermənistanın daxilindəki auditoriyaya mesaj vermək istəyirlər. Çünki onlar gözəl bilirlər ki, Dağlıq Qarabağ heç vaxt Ermənistanın ərazisi olmayıb, olmayacaq da. Azərbaycan heç vaxt buna imkan verməyəcək. Azərbaycan 90-cı illərdəki, XX əsrin sonlarındakı Azərbaycan deyil. Azərbaycanın artan gücü aprel döyüşlərində, Naxçıvan istiqamətindəki əməliyyatlarda da bir daha özünü göstərdi. Ona görə də düşünürəm ki, işğalçı ölkənin baş nazirinin bu açıqlamaları ermənilərə yönəlmiş bir açıqlamadır. Ancaq biz buna qəti etirazımızı bildirməklə yanaşaı beynəlxalq ictimaiyyətə, beynəlxalq təşkilatlara geniş şəkildə çatdırmalıyıq və eyni zamanda ATƏT-in Minsk qrupu həmsədrləri qarşısında tələblə də çıxış etməliyik ki, bu açıqlamalara öz kəskin mövqeyini ortaya qoysunlar. Biz də dövlət olaraq daha da güclənməliyik, ordumuzun gücünü, xalqımızın birliyini daha da artırmalıyıq və torpaqlarımızın işğaldan azad edilməsi istiqamətində daha çox çalışmalıyıq. Bu, bizim düşmənə verdiyimiz və verə biləcəyimiz ən ağır cavabdır. Biz torpaqlarımızın azad olunması istiqamətində işlərimizi daha da sürətləndirməliyik və işğalçı ölkənin dünyada ifşa olunmasına daha çox çalışmalıyıq. Bu istiqamətdə hər bir vətəndaşımız, dünyanın hər bir yerinbdəki azərbaycanlılar, diaspordakı insanlarımız daha çox səy göstərməliyik. Təbii ki, işğalçı ölkənin rəhbərliyinin bu açıqlamalarını kəskin qınayırıq, etiraz edirik. İşğalçı Ermənistanın torpaqları da Azərbaycan torpaqlarıdır. Ermənistan adlı bir dövlət bu coğrafiyada heç bir zaman olmayıb və biz işğalçı ölkənin də Azərbaycan torpaqlarında qurulduğunu bütün dünyaya çatıdırırıq və bu işlərimizi davam etməliyik. Düşünürəm ki, işğalçı Ermənistanın rəhbərinin bu açıqlaması Avropa Şurası, ATƏT, BMT, bütün beynəlxalq təşkilatların təcili olaraq diqqətlərinə çatdırılmalı və bu bu təxribatçı açıqlamaların durdurulması üçün onlara da müraciət etməliyik ki, sizin qəbul etdiyiniz qətnamələrin yerinə yetirilməsi üçün işğalçı Ermənistana təzyiq göstərməmənizin nəticəsi budur ki, Paşinyan bu cür açıqlamalar, bəyanatlar verir və vəziyyəti daha da gərginləşdirir. Biz beynəlxalq təşkilatları işğalçı ölkəyə və onun rəhbərinə təzyiqə çağırmalıyıq", - deyə Qənirə Paşayeva bildirib. 0 1 2 3 4 5 Paylaş