"Şimal-Cənub"  beynəlxalq nəqliyyat  dəhlizi  Baltik ölkələrini İran vasitəsilə Hindistanla birləşdirən layihədir. Bu dəhlizin digər analoji marşrutlardan  üstünlüyü məsafə baxımından iki dəfədən çox qısa, konteyner daşımalarının maya dəyərinin aşağı olmasıdır.  Məsələn: Süveyş kanalı vasitəsilə daşımalar 45-60 gün ərzində həyata keçirilirsə, Şimal Cənub dəhlizi ilə 15- 20 günə yükləri mənzil başına çatdırmaq mümkündür".

Bunu "Olaylar"a deyən millt vəkili Nəsib Məhəməliyevin sözlərinə görə, 2000- ci ildə Sankt Peterburq şəhərində, Avroasiya nəqliyyat nəqliyyat konfransında Rusiya İran və Hindistan arasında hökumətlərarası nəqliyyat dəhlizinin yaranması haqqında saziş imzalanmışdır. Şimal- Cənub  nəqliyyat dəhlizinin  fəaliyyəti üçün əvvəldən 3 istiqamət üzrə marşrut müəyyənləşdirilmişdi. Amma ən effektlisi Azərbaycan ərazisi ilə keçən və İranın Bəndər Abbas limanı istiqamətindəki marşrut hesab olunur: "Ancaq müəyyən səbəblərdən İran tərəfində Qəzvin Rəşt Astara dəmir yolunun tikintisi ləngidilir. Baxmayaraq ki,  prezident Rouxani Azərbaycana səfəri çərçivəsində razılq əldə olunmuşdu və o vaxta qədər səbəb kimi göstərilən maliyyə çatışmazlığı arafan qaldırılmış, 500 milyon güzəştli kredit ayrılmışdı. Qonşu dövlət 2013- cü ilə qədər tikintini başa çatdırmağı öhdəsinə götürmüşdü. Çox təəssüf ki, nəinki, iqtisadi sanksiyalardan əziyyət çəkən İran, eyni zamanda bütövlükdə reqion dövlətləri üçün son dərəcə vacib layihənin icrası ləngidilir".

Onun sözlərinə görə, respulika prezidenti  İlham Əliyevin apardığı, iqtisadiyyatın differallaşması, qeyri neft sektorunun inkişafı baxımından Şimal-Cənub, Şərq Qərb kimi layihələrin icrası Azərbaycanı beynəlxalq nəqliyyat qovşağına çevirməklə, dünya miqyasında mühüm tərəfdaşa, reqional güc sahibinə çevirməkdədir: "Təkcə Şimal-Cənub dəhlizi vasitəsilə ildə 20- 25 milyon ton yük daşınması nəzərdə tutulur ki, bu və digər loqistik layihələr gələcəkdə neft erası bitdikdən sonra Azərbaycan iqtisadiyyatına çox böyük dividentlər gətirəcəkdir".