Yevlax–Zaqatala–Gürcüstan dövlət sərhədi avtomobil yolunun Balakən rayonunun Poştbinə yaşayış məntəqəsi ərazisindən keçən hissəsində əkilmiş şam və şabalıd ağaclarının vəziyyəti rayon rəhbərliyinin diqqət mərkəzindədir.

Rayon icra hakimiyyətinin başçısı cənab Natiq Ağayev həmin ərazidə yaşıllaşdırma zolağına baxış keçirib. Ağacların inkişaf vəziyyəti, mövcud problemlər və görülən işlər barədə müvafiq qurumların əməkdaşlarından məlumat alınıb.

Baxış zamanı icra başçısı yolkənarı yaşıllıqların qorunmasının vacibliyini vurğulayaraq, ağaclara mütəmadi qulluq göstərilməsi, suvarma, zərərvericilərə qarşı mübarizə və digər mühafizə tədbirlərinin daha səmərəli təşkil olunması ilə bağlı tapşırıqlar verib.

Qeyd edək ki, Poştbinə istiqamətində aparılan yaşıllaşdırma işləri rayonun ekoloji balansının qorunmasına və ərazinin estetik görkəminin yaxşılaşdırılmasına xidmət edir.

Şahidi olduğunuz hadisələri çəkib bizə göndərin! 7/24 whatsapp