26 noyabr 2025-ci il tarixində saat 09:00-dan etibarən Balakən rayonunun bir sıra yaşayış məntəqələrində qaz təchizatında müvəqqəti fasilə yaranacaq. Bu barədə “Azəriqaz” İstehsalat Birliyi məlumat yayıb.

Bildirilib ki, qaz xətlərində aparılacaq təmir və profilaktik işləri ilə əlaqədar Balakən rayonunun Katex və Beretbinə kəndləri istisna olmaqla ümumilikdə 52 yaşayış məntəqəsinin qaz verilişində dayanmalar olacaq. Fasilə işlər başa çatanadək davam edəcək.

Qaz təchizatının dayandırılması ümumilikdə 20 621 abonenti əhatə edəcək.

“Azəriqaz” baş verəcək narahatlıqla bağlı abonentlərdən anlayış göstərməyi xahiş edir.

Şahidi olduğunuz hadisələri çəkib bizə göndərin! 7/24 whatsapp