FLAŞ
» » Balakəndə narkobaron və dəstəsi ələ keçdi - XÜSUSİ ƏMƏLİYYAT

Balakəndə narkobaron və dəstəsi ələ keçdi - XÜSUSİ ƏMƏLİYYAT


Balakəndə narkobaron kimi tanınan Eşqin və onun dəstə üzvləri saxlanılıb. APA TV-nin məlumatına görə, onlar Zaqatala Dövlət Təbiət Qoruğunun ərazisində narkotik tərkibli bitkilər becərməkdə təqsirləndirir. Balakən polisinin keçirdiyi əməliyyat zamanı uzun müddət məsuliyyətdən yayına bilən rayonun Gərəkli kənd sakini Eşqin Rafiq oğlu Motuxovun qardaşı Dibrov Motuxovun həmkəndliləri Anar Rüfət oğlu Umarov, Oqtay Şəhmil oğlu Gülüyev, Araz Tağı oğlu Quliyev, Rasim Sabir oğlu Xəlilov və Balakən şəhər sakini Natiq Telman oğlu Dibirov ilə qabaqcadan əlbir olaraq Zaqatala Dövlət Təbiət Qoruğu ərazisində narkotik tərkibli bitkiləri qanunsuz əkib-becərməsi məlum olub. Aparılan ilkin araşdırma zamanı onlar Zaqatala Dövlət Təbiət Qoruğunun Gərəkli sahəsinin 2 saylı dolayında 900 ədəd narkotik tərkibli bitki sayılan çətənə bitkisi əkdiklərini etiraf ediblər. Əraziyə baxış keçirilən zaman onların narkotik tərkibli bitkiləri məhv etdiyi məlum olub. Lakin buna baxmayaraq ərazinin üç bir-birinə yaxın sahəsində 43 ədəd çətənə kollarının kök hissələri, onların ərazidə qalmaq üçün ağac budaqlarından düzəltdiyi sığınacaq, geyim əşyaları, əmək alətləri və ərzaq aşkar edilib. Aparılan istintaq zamanı məlum olub ki, saxlanılan şəxslərdən Dibrov Motuxov həmkəndlisi Elnur Şəhmil oğlu Musalov və qeyriləri ilə birlikdə 2015-ci ildə Zaqatala Dövlət Təbiət Qoruğunun Gərəkli sahəsində kultivasiya üsulu ilə küllü miqdarda narkotik bitki hesab olunan çətənə kolları yetişdiriblər. Polis əməkdaşları əraziyə yaxınlaşan zaman onlar ərazidən uzaqlaşaraq məsuliyyətdən yayına bilib. Faktla bağlı Balakən RPŞ-də CM-nin 237.2.1 və 237.2.3 maddələri ilə cinayət işi başlayıb, istintaq aparılır.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin







Karantin rejimi yenidən uzadıldı - RƏSMİ


Şərh yaz

Şərh yaz

yenilə, əgər kod görünmürsə