FLAŞ
» » Azərbaycanın ən böyük supermarketlər şəbəkəsi xaricdən 19 milyon borc alır

Azərbaycanın ən böyük supermarketlər şəbəkəsi xaricdən 19 milyon borc alır


Avropa Yenidənqurma və İnkişaf Bankı (AYİB, EBRD) və Almaniyanın İnkişaf Təşkilatı (DEG) Azərbaycanın “Araz” supermarketlər şəbəkəsinə anbar əməliyyatlarını yaxşılaşdırması üçün 10 milyon avro (təxminən 19 milyon manat) kredit ayırır.
“Marja”nın əldə etdiyi məlumata görə, AYİB və DEG hər biri 5 milyon avro ayıracaqlar.

“Araz” Azərbaycanın ən böyük supermarketlər şəbəkəsidir və “Veysəloğlu” Şirkətlər Qrupuna daxil olan “Araz Supermarket” şirkəti tərəfindən idarə olunur. Hazırda 122 “Araz” mağazası var. Həmçinin “Spar” supermarketləri də “Araz Supermarket” şirkəti tərəfindən idarə olunur.

Alınan borc hesabına şəbəkənin anbarı standartlara uyğun genişləndiriləcək. Anbarın sahəsinin 12 min 600 kvadrat metrdən 42 min 600 kvadratmetrə genişləndirilməsi planlaşdırılır. Həmçinin, BREEAM-Good və LEED-Silver sertifikatlarının alınması məqsədi güdülür.

Yeni genişləndirilmiş obyektlər təchizat və paylamanın yaxşılaşmasına, biznesin ümumi səmərəliliyinin və gəlirliliyinin artırılmasına, təzə və dondurulmuş malların daha etibarlı saxlanılmasına, şəbəkənin rəhbərliyinin dövriyyəyə asan nəzarət etməsinə imkan verəcək.

AYİB-in Azərbaycan ofisinin rəsbəri İvana Duarte bildirib ki, AYİB “Araz”ı maliyyələşdirməklə ölkənin sürətlə inkişaf edən pərakəndə sektorunu dəstəkləyir

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Deputat: “Samir Nuriyevin Prezident Administrasiyasının rəhbəri olması yeni bir eranın başlanğıcıdır”


Şərh yaz

Şərh yaz

yenilə, əgər kod görünmürsə