Şəki-Zaqatala Regional Təhsil İdarəsində 2 Fevral – Azərbaycan Gəncləri Günü münasibətilə gənc əməkdaşların təltif olunmasına həsr edilmiş tədbir keçirilib.

Tədbirdə çıxış edən İdarə müdiri Günay Mahmudova gənc əməkdaşları əlamətdar gün münasibətilə təbrik edib, onlara gələcək iş fəaliyyətlərində uğurlar arzulayıb.

İdarə müdiri qeyd edib ki, Ulu Öndər Heydər Əliyevin əsasını qoyduğu dövlət gənclər siyasəti Prezident cənab İlham Əliyev tərəfindən uğurla davam etdirilir. Prezidentin rəhbərliyi ilə gənclərin hərtərəfli inkişafı, təhsil alması və cəmiyyətin fəal üzvü kimi formalaşması üçün geniş imkanlar yaradılıb. Eyni zamanda bu siyasətin həyata keçirilməsində gənclərin üzərinə mühüm vəzifələr düşdüyü diqqətə çatdırılıb.

Daha sonra ETİHİ Şəki Şəhər Komitəsinin sədri Ziyafət Xasiyeva çıxış edərək gənclərin təhsil sistemindəki rolundan bəhs edib, onların peşəkar inkişafına göstərilən diqqət və qayğıya görə təşəkkürünü bildirib. Komitə sədri gənc əməkdaşları daim öz üzərlərində çalışmağa, bilik və bacarıqlarını artırmağa çağırıb.

Sonda 2 Fevral –Azərbaycan Gəncləri Günü münasibətilə Şəki-Zaqatala Regional Təhsil İdarəsinin və ETİHİ Şəki şəhər Komitəsinin gənc əməkdaşlarına fəxri fərmanlar və hədiyyələr təqdim olunub.

Şahidi olduğunuz hadisələri çəkib bizə göndərin! 7/24 whatsapp