Balakəndə gözəllik salonunda yanğın baş verib.

Balaken.info xəbər verir ki, hadisə H.Əliyev prospektində yerləşən, Muradov Sənan İmran ogluna məxsus  gözəllik salonunda  baş verib.

Əraziyə dərhal yanğın söndürmə işçiləri çağrılmışdır. Ərazidə xidmət keçən polis əməkdaşı Fərid Əliyev dərhal yanğına müdaxilə edərək yanğını söndürməyə müvəffəq olmuşdur. Yanğın yerinə yanğınsöndürən texnikalar və şəxsi heyət cəlb olunub. Xəsarət alan olmayıb. Yanğının səbəbi araşdırılır.

Hər zaman sağlamlığımızın , təhlükəsizliyimizin kəsiyində duran polisimizə təşəkkür edirik. Balaken.info olaraq Balakən camaatı adından bir daha göstərdiyi yüksək fəaliyyətə görə başda Balakən rayon Polis Şöbəsinin rəisi, polis polkovniki cənab Çingiz Aslanov olmaqla şöbənin bütün əməkdaşlarına sonsuz təşəkkürümüzü çatdırırıq.