Azərbaycan polisi şərəfli bir yol keçərək, Vətənə, xalqa sədaqətlə və ləyaqətlə xidmət edib, dövlətçiliyin əsas sütunlarından birinə çevrilib.

Son illər Prezident İlham Əliyev tərəfindən həyata keçirilən zəruri tədbirlər hüquq-mühafizə orqanlarının, o cümlədən polisin fəaliyyətinin gücləndirilməsi, xalqa, dövlətə sədaqətli şəxsi heyətin formalaşdırılması və qanunun aliliyini əsas prinsip kimi qiymətləndirən əməkdaşların peşə xidmətinə cəlb edilməsi kimi önəmli addımlar atılıb.

Əsası ulu öndər Heydər Əliyev tərəfindən qoyulan uğurlu siyasətin nəticəsi olaraq ölkəmizdə mütəşəkkil cinayətkarlığa, sabitliyə təhdid yaradan təhlükələrə qarşı uğurlu mübarizəyə nail olunub, vətəndaşların dinc, əmin-amanlıq şəraitində yaşamaları üçün zəruri şərait yaradılıb.

Bu gün Azərbaycan Respublikasının Prezidenti İlham Əliyevin diqqət və qayğısı sayəsində davamlı inkişafda olan daxili işlər orqanları ölkədə cinayətkarlığa, onun transmilli növlərinə qarşı mübarizədə, asayişin və təhlükəsizliyin təmin olunmasında önəmli xidmətləri ilə seçilir.

Daxili işlər naziri Vilayət Eyvazovun rəhbərliyi ilə son dövrlər daxili işlər orqanlarında aparılan kadr təyinatları da ölkədə asayişin mühafizəsi, ağır, habelə geniş ictimai əks-səda doğuran cinayətlərin açılması, axtarışda olanların tapılıb-tutulması, narkotiklərin qanunsuz dövriyyəsinin qarşısının alınması, insan alverinə qarşı mübarizə və digər istiqamətlərdə həyata keçirilən əməliyyat-axtarış və istintaq tədbirlərinin icrasına şübhəsiz ki, öz töhfəsini verəcəkdir.

Cənab nazir Vilayət Eyvazovun müvafiq əmri ilə  Balakən Rayon Polis Şöbəsinə  polis polkovniki Çingiz Aslanov təyin edilib.

Balakən rayon Polis Şöbəsinin rəisi, polis polkovniki Çingiz Aslanov vicdanlı və öz işini peşakarcasına görən polis zabitdir. Çingiz müəllim hər zaman dövlətçiliyin keşiyində durur, hansı vəzifədə işləməsindən asılı olmayaraq özünü hər zaman nümunəvi polis zabiti kimi aparır. Bundan əvvəl çalışdığı Sumqayıt və Gəncə şəhərlərində özünün müsbət keyfiyyətləri ilə əhalinin rəğbətini qazanan cənab Aslanov qısa zamanda balakənlilərin hörmətini qazanmışdır. Balakən rayon Polis Şöbəsinin rəisi Çingiz Aslanov  peşəkar və  nümunəvi polis zabiti kimi hər zaman Cənab nazir Vilayət Eyvazovun tapşırıqlarını vicdanla yerinə yetirən, qanunların aliliyinə riayət edən əsl polis zabitidir.

Çingiz Aslanov hər zaman Dövlətə - Dövlətçiliyə, Xalqa - Millətə Qanunların aliliyinə və Ulu Öndərin ideyalarına, onun siyasi kursuna sədaqətlə - fəxarətlə xidmət edən dəyərli Azərbaycan vətəndaşıdır.

Şərəfli vəzifəyə yiyələnən Çingiz Aslanov  bu işin müqəddəsliyini qoruyub saxlayır. Çingiz Aslanov kömək etdiyi hər kəsin rəğbətini qazanan peşəkar və  nümunəvi polis zabitidir.

Eyni zamanda Balakən rayon Polis Şöbəsi rəisinin xidmət üzrə müavini, polis polkovnik - leytenantı  Elxan Zamanov da Balakən camaatının çox sevdiyi nümunəvi polis zabitidir. Elxan Zamanov  hər zaman rəhbərliyin etimadını və etibarını qazanaraq ona həvalə edilən vəzifəni layiqincə yerinə yetirir. Daxili İşlər Naziri cənab Vilayət Eyvazovun əmr və tapşırıqlarını diqqətlə əməl edir və Ulu Öndər Heydər Əliyevin siyasi kursunun layiqli davamçısı Müzəffər Ali Baş Komandan İlham Əliyev cənablarının yürütdüyü daxili və xarici siyasətini dəstəkləyir. Hörmətli nazirimiz Vilayət Eyvazovun əmri ilə Elxan Zamanov Bakı şəhəri Binəqədi rayon Polis İdarəsinin İctimai Təhlükəsizlik şöbəsinin rəisi vəzifəsindən azad edilərək, Balakən  Rayon Polis Şöbəsinin  rəis müavini  vəzifəsinə təyin olunmuşdur. O. Balakən rayonuna rəis  müavini təyin olunduğu gündən Balakəndə asayişin daim qorunub saxlanması üçün əlindən gələni əsirgəməmişdir. Binəqədidə olduğu kimi, Balakəndə  də narkomaniyaya və oğurluq hadisələrinə qarşı amansız mübarizə aparır. Balakən rayon Polis Şöbəsinin rəis müavini Elxan Zamanov  daim cinayət və cinayətkarlığa qarşı amansız mübarizə aparan və asayişin daim qorunub saxlanması üçün əlindən gələni əsirgəməyən polis zabitidir. O, halal yolla öz çörəkpulusunu qazanan şəxslərin daim ən yaxın dostu kimi tanınır. Balakənlilər  bu gün rayonda bərqərar asayişin qorunmasında böyük zəhməti olan rəis müavini Elxan Zamanova  öz minnətdarlığını bildirir. Bəli, bu gün ölkəmizin hər bir yerində olduğu kimi Balakən rayonunda da asayiş tam olaraq qorunub saxlanılır. Təbiidir ki, bu işdə Rayon Polis Şöbəsinin rəis müavini Elxan Zamanovun  əvəzsiz xidmətləri vardır.

Bəli, xalqımızın daim xoş əhval-ruhiyyəsi, təkcə Balakəndə  deyil, ölkədəki həyat, insanların sərbəst, rahat yaşaması və Azərbaycanın bir millət kimi, bir xalq, dövlət kimi dünyada günbəgün məşhurlaşması bizim əldə etdiyimiz dövlət müstəqilliyinin bəhrəsidir. Bizə bu imkanları dövlət müstəqilliyi vermişdir. Hazırkı Dövlət Mqstəqilliyimizin əldə olunmasında polislərimizin də əvəzsiz xidmətləri olmuşdur. Ölkəmiz dövlət müstəqilliyini əldə edənə qədər onlar sovetlər birliyinin daxili işlər orqanlarında işləmiş, ölkəmizin günü-gündən çiçəklənməsi və inkişaf etməsi üçün çox-çox faydalı işlər görmüşlər, xalqımıza xidmət fərqi ondan ibarətdir ki, biz bu gün müstəqilik, biz bu gün azadıq. Biz heç bir mərkəzdən asılı deyilik. Heç bir dövlətdən asılı deyilik. Özümüz öz taleyimizin sahibiyik. Əgər polisin xalqımız üçün etdiklərini bir balaca dərindən təhlil etsəniz, görərsiniz ki, polisin amalı daim öz xalqına xidmət etmək olmuşdur. Amma, Sovetlər İttifaqında polis milli olmayıbdır. İndi Azərbaycan polisi Azərbaycan övladlarının polisidir, milli polisdir. Bununla fəxr etmək lazımdır. “Azərbaycan Polisinin 84 illik yubileyi”nə həsr olunmuş təntənəli mərasimdə xalqımızın Ümummili Lideri, görkəmli siyasətçi və dövlət xadimi, mərhum prezidentimiz Heydər Əliyev öz çıxıçı zamanı belə demişdir: “ Polis Xalqımıza, Müstəqil Azərbaycan Dövlətinə, onun hər bir vətəndaşına xidmət edir.

Azərbaycan polisi cəmiyyətimizin bütün sahələri üçün vacib olan ölkədaxili sabitliyi yaradan və qoruyandır. Vətəndaşın asayişini mühafizə edən, dövlətin, vətəndaşların qanuni mənafelərinin və mülkiyyətinin hüquqa zidd əməllərdən qoruyandır. Bu gün Azərbaycan polisi insanların azad, sərbəst yaşaması üçün lazımi şəraitin yaradılması istiqamətində üzərlərinə düşən vəzifələri layiqincə yerinə yetirir. Ölkədə sabitliyin təminatçılan və dövlətçiliyin dayaqlarından birinə çevrilib. Cinayətkarlığa qarşı mübarizədə, ictimai asayişin və hüququn aliliyin qorunması kimi öz işində,  ailədə də ailə başçısı kimi daim öz ailəsinə məsuliyyətlə yanaşır. Övladlarını öz canından da daha çox istəyən layiqli atalarımızdan biri hesab olunur.

Məlumat üçün bildirək ki, Çingiz Aslanov ictimai təhlükəsizliyin və qanunçuluğun keşiyini çəkən, eyni zamanda, cinayətkarlığa qarşı gecə-gündüz mübarizə aparan, vətəndaşların xidmətində elə əsl vətəndaş yanğısı ilə duran peşəkar kadrlardandır.

İnanırıq ki, onun rəhbərliyi altında cinayətkarlıqla mübarizə istiqamətində bundan sonra da mühüm işlər görüləcəkdir.

MƏNİM    POLİSİM    MƏNİ   QORUYUR - Balakən rayonunda asayişin qorunması mötəbər əllərə tapşırılmışdır !

İbrahim Şıxməmmədov
balaken.info