APA-nın Şimal-qərb bürosunun məlumatına görə, bu gün rayonun Qullar kəndində Sərxan Elxan oğlu Umayevə məxsus, ümumi sahəsi 420 kv/m olan ikimərtəbəli 10 otaqdan ibarət fərdi yaşayış evində yanğın baş verib.

Yanğının söndürülməsi üçün əraziyə Fövqaladə Hallar Nazirliyinin (FHN) Balakən rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb edilib. Yanğın nəticəsində evin dam örtüyünün və ikinci mərtəbənin yanar konstruksiyaları ev əşyaları ilə birlikdə yanıb.

Evin birinci mərtəbəsi və yaxınlıqdakı digər tikililər yanğından mühafizə olunub. Yanğın zamanı xəsarət alan olmayıb.

Faktla bağlı araşdırma aparılır. Vüqar Heydərov//