Balaken.info  Balakən Rayon İcra Hakimiyyəti-nin rəsmi Facebook səhifəsinə istinadən xəbər verir ki, 06 may 2026-cı il tarixində rayon icra hakimiyyətinin inzibati binasında vətəndaşların növbəti qəbulu təşkil olunub.

Qəbulda  rayon icra hakimiyyətinin başçısı Natiq Ağayev aparatın şöbə müdirləri, eləcə də aidiyyəti idarə, müəssisə və təşkilatların nümayəndələri iştirak ediblər.

Qəbul zamanı vətəndaşların müraciətləri dinlənilib, onların qaldırdıqları məsələlərlə bağlı qanunvericiliyin tələbləri izah olunub. Rayon icra hakimiyyətinin səlahiyyətləri daxilində olan məsələlərin həlli istiqamətində yerindəcə müvafiq tapşırıqlar verilib, digər məsələlərlə bağlı isə aidiyyəti dövlət qurumlarının yerli nümayəndələrinə tövsiyələr təqdim edilib.

Bununla yanaşı, qəbul zamanı şəhid ailələri, qazilər və müharibə iştirakçıları növbədənkənar qəbul olunublar.

Vətəndaş müraciətlərinin operativ araşdırılması və qaldırılan problemlərin həlli istiqamətində tədbirlərin davam etdiriləcəyi bildirilib.

Şahidi olduğunuz hadisələri çəkib bizə göndərin! 7/24 whatsapp