Elm və təhsil naziri Emin Əmrullayev 28 may tarixində Qax rayonunda vətəndaşlarla görüş keçirəcək.

Görüşdə Qax, Şəki, Zaqatala və Balakən rayonlarından olan vətəndaşların müraciətləri dinləniləcək. Qəbul zamanı vətəndaşların təhsil sahəsi ilə bağlı təklifləri, problemləri və müraciətləri birbaşa nazir tərəfindən araşdırılacaq.

Vətəndaş qəbulunun əsas məqsədi bölgələrdə təhsil sahəsində mövcud vəziyyətin yerində öyrənilməsi, məktəblərin fəaliyyəti, müəllim və valideynləri narahat edən məsələlərin dinlənilməsi, eləcə də operativ həll yollarının müəyyənləşdirilməsidir.

Qəbulda iştirak etmək istəyən vətəndaşlardan əvvəlcədən qeydiyyatdan keçmələri xahiş olunur.

Şahidi olduğunuz hadisələri çəkib bizə göndərin! 7/24 whatsapp