Balakəndə gənclərin Daxili İşlər Nazirliyi sistemində təhsilə və xidmətə təşviq edilməsi ilə bağlı görüş təşkil olunub. Görüşdə RPŞ-nin əməkdaşları, Polis Akademiyasının nümayəndəsi və orada təhsil alan kursantlar, eləcə də rayonun ümumtəhsil məktəblərinin IX-XI siniflərində oxuyan 220 şagird iştirak edib. 

RPŞ-nin rəisi polis polkovniki Çingiz Aslanov Polis Akademiyasında həyata keçirilən müasir təlim-tədris prosesi barədə məktəbliləri məlumatlandırıb. 

Polis Akademiyasının nümayəndəsi şagirdlərə “Hüquqşünaslıq” və “İnformasiya təhlükəsizliyi” ixtisasları üzrə qəbul qaydaları, Polis Akademiyasının “Virtual Akademiya” platforması, ödənişsiz təhsil resursları və digər  məsələlər barədə ətraflı məlumat verib. 

Çıxış edən kursantlar isə akademiyada təhsil almağın üstünlüklərindən danışıblar. Sonda onlara qanunvericiliyə aid kitablar hədiyyə edilib.

Şahidi olduğunuz hadisələri çəkib bizə göndərin! 7/24 whatsapp