Azərbaycan Respublikasının Prezidenti, Ali Baş Komandan İlham Əliyev ölkədə təhlükəsizliyin və ictimai asayişin qorunmasını hər zaman dövlət siyasətinin prioritet istiqamətlərindən biri kimi müəyyənləşdirib. Prezidentin rəhbərliyi ilə hüquq-mühafizə orqanlarının maddi-texniki bazası gücləndirilib, əməkdaşların sosial təminatı yaxşılaşdırılıb və vətəndaşlara xidmət mədəniyyəti yüksəldilib.

Bu istiqamətdə həyata keçirilən siyasətin icrası birbaşa olaraq Azərbaycan Respublikasının daxili işlər naziri, general-polkovnik Vilayət Eyvazov tərəfindən təmin olunur. Cənab Nazir Vilayət Eyvazovun rəhbərliyi ilə daxili işlər orqanlarında şəffaflıq, qanunun aliliyi və vətəndaş məmnuniyyəti əsas fəaliyyət prinsiplərinə çevrilmişdir.

Balakən rayonu Azərbaycanın ən gözəl və strateji bölgələrindən biridir. Sərhəd rayonu olması səbəbilə burada ictimai asayişin qorunması, təhlükəsizlik və vətəndaşların rahatlığının təmin edilməsi xüsusi əhəmiyyət kəsb edir. Bu məsuliyyətli və şərəfli vəzifəni Balakən Rayon Polis Şöbəsinin rəisi, polis polkovniki Çingiz Aslanov həyata keçirir.


Çingiz müəllim uzun illərdir daxili işlər orqanlarında çalışır. O, peşəkar fəaliyyəti, vəzifə borcuna sadiqliyi və vətənpərvərliyi ilə həm əməkdaşlarının, həm də Balakən ictimaiyyətinin etimadını qazanmış şəxsiyyətlərdəndir. Onun rəhbərliyi ilə Balakən Rayon Polis Şöbəsi cinayətlərin qarşısının alınması, təhlükəsizliyin təmin olunması və qanunun aliliyinin qorunması istiqamətində mühüm işlər görür.

Polis polkovniki Çingiz Aslanovun rəhbərliyi ilə rayonda cinayətkarlığın qarşısının alınması istiqamətində tədbirlər intensivləşdirilib. Gənclərin zərərli vərdişlərdən uzaq tutulması üçün maarifləndirici və profilaktik görüşlər keçirilib, eləcə də yol hərəkəti təhlükəsizliyinə dair əhali arasında izahat işləri aparılaraq müxtəlif aksiyalar təşkil olunub.

Bundan əlavə, sərhəd bölgəsində yerləşən Balakəndə qaçaqmalçılıq və digər hüquq pozuntularının qarşısının alınması üçün xüsusi nəzarət tədbirləri həyata keçirilir.

Çingiz Aslanov yalnız polis rəisi deyil, həm də vətəndaşlarla daim ünsiyyətdə olan, onların müraciətlərini diqqətlə dinləyən rəhbərdir. Onun təşəbbüsü ilə keçirilən görüşlərdə ictimaiyyət nümayəndələri polis fəaliyyətinə yaxından cəlb olunur, “polis–xalq əməkdaşlığı” prinsipi daha da güclənir.

Polis polkovniki Çingiz Aslanovun fəaliyyəti bir daha göstərir ki, hüquq-mühafizə orqanlarında xidmət sadəcə peşə deyil, həm də Vətənə və dövlətə sadiqlik missiyasıdır. Onun rəhbərliyi altında Balakən Rayon Polis Şöbəsi qarşıya qoyulan vəzifələri layiqincə icra edir və rayonda sabitlik mühitini təmin edir.

Xüsusilə qeyd olunmalıdır ki, Çingiz müəllimin rəhbərliyi ilə Balakən RPŞ-nin şəxsi heyəti bütün vətəndaşlara diqqətlə yanaşır, onların müraciətlərinə operativ reaksiya verir və yüksək xidmət mədəniyyəti nümayiş etdirir. Bu da bölgə əhalisinin polis orqanlarına olan inamını daha da artırır.

Balaken.info
İbrahim Şixməmmədov

Şahidi olduğunuz hadisələri çəkib bizə göndərin! 7/24 whatsapp