Zaqatala RQİİ-nin Balakən xidmət sahəsinin məlumatına əsasən, rayonun Kortala kəndində yeraltı PE-160 mm və PE-225 mm-lik orta təzyiqli daşıyıcı qaz xətlərində kipliyə sınaq işlərinin aparılması, həmçinin 28 May küçəsində d-325 mm-lik qaz xəttində aşkarlanmış qaz sızmalarının aradan qaldırılması məqsədilə qaz verilişində müvəqqəti fasilə yaranacaq.

Qeyd olunan texniki işlərlə əlaqədar olaraq 9 iyul 2025-ci il tarixində saat 09:00-dan etibarən işlər yekunlaşanadək Balakən QPS-in Balakən ölçü qovşağından qidalanan orta təzyiqli qaz xətləri üzrə qaz təchizatı müvəqqəti olaraq dayandırılacaq. Fasilə Balakən şəhəri, 26 kənd və 1 qəsəbəni əhatə edəcək. Ümumilikdə, 20351 əhali abonenti və 258 qeyri-əhali abonenti qazsız qalacaq. Yalnız F/Ş Kaxov Ramazan və F/Ş Əsgərov Əsgər kərpic zavodlarının qazla təminatı davam edəcək.

Qaz təchizatı işləri başa çatdıqdan sonra xidmət bərpa olunacaq.

Abonentlərin diqqətinə çatdırılır ki, qaz avadanlıqlarını nəzarətdə saxlamaları və təhlükəsizlik qaydalarına ciddi şəkildə riayət etmələri xahiş olunur.