24 iyun 2025-ci il tarixində Balakən rayonunun qaz təchizatında müvəqqəti fasilə yaranacaq. Bu barədə  balaken.info- ya Zaqatala RQİİ-nin Balakən xidmət sahəsi məlumat verib.

Verilən rəsmi açıqlamaya görə, Balakən QPS-dən İdman Kompleksinə qədər olan 7542 p/m uzunluqlu PE-400 mm-lik və İdman Kompleksindən Cederovtala RDUK-a qədər olan 14897 p/m uzunluqlu PE-315 mm-lik yeraltı orta təzyiqli qaz xətlərində kipliyə sınaq işləri aparılacaq.

Bu səbəbdən 24.06.2025-ci il tarixində saat 09:00-dan başlayaraq işlər yekunlaşanadək Balakən QPS-dən qaz verilişinin tamamilə dayandırılması planlaşdırılır.

Qaz verilişi Balakən şəhəri, 26 kənd və 1 qəsəbədə yerləşən ümumilikdə 20.686 əhali abonenti və 260 qeyri-əhali abonentini əhatə edəcək.

Rəsmi qurum bildirir ki, işlər tamamlandıqdan dərhal sonra qaz təchizatı bərpa olunacaq.

Abonentlərin Diqqətinə!
Qaz verilişi dayandığı müddətdə qaz təchizatı avadanlıqlarını nəzarətdə saxlamağınız və təhlükəsizlik qaydalarına ciddi riayət etməyiniz xahiş olunur.