» » 1 illik əziyyətin nəticəsi - Balakən təhsilində nə dəyişdi ?

1 illik əziyyətin nəticəsi - Balakən təhsilində nə dəyişdi ?


Şəki - Zaqatala Regional Təhsil İdarəsinin fəaliyyət başlamasından artıq 1 il ötür. Buna görə bizdə media mənsubu olaraq idarənin fəaliyyətinə göz gəzdirməyi qərara aldıq. İlk öncə ondan başlayaq ki, son 1 il ərzində rayon təhsilində çox güclü irəliləyiş müşahidə edilir. Rayonumuzun hətta ən ucqar kəndlərinin məktəblərində belə ciddi nizam intizam hökm sürür. Əvvələr keyfiyyət göstəricisi aşağı olan məktəblərdə bu müddət ərzində kadr dəyişikliyi aparılmış, həmən məktəblərə rəhbərlik etibarlı kadrlara həvalə edilmişdir.

Uzun illər təhsil sahəsində fəaliyyət göstərən peşakar təhsil işçisi Cavanşir Alqayevin Hənifə kənd tam orta məktəbinə, gənc və innovativ yanaşma tərəfdarı olan Vəfa Emçiyevanın isə Qullar kənd 1 saylı tam orta məktəbinə təyinatı bu məktəblərin sürətlə irəliləyişinə səbəb olmuşdur.

Demək kadr güclü olanda inkişaf da olur. Ayrıca Balakən rayon Texniki və Humanitar Təmayüllü lisey, Akademik Z. Əliyeva adına şəhər 3 nömrəli tam orta məktəbi və  Qullar kənd 2 saylı tam orta məktəbi də sürətlə şəkildə irəliləmiş, həm qəbul imtahanlarında, həm olimpiyada da Balakənin adını yüksəklərə qaldırmışdır. Bu isə təbii ki, həmən təhsil müəssisələrinə rəhbərlik edən peşakar təhsil idarəçiləri - Tamella Mahmaxanova, Yeganə Zamanova və Şaban Abdullayevin böyük əziyyətinin bəhrəsi olmuşdur.

Balakən təhsilinin bu qədər çiçəklənməsinə səbəb sözsüz ki, regional təhsil idarəsinin, xüsusilə də idarəsinin rəhbəri cənab Bəhruz Mehdiyevin verdiyi tövhələr olmuşdur. Bəhruz Mehdiyevlə şəxsən görüşdüyüm üçün deyirəm, son dərəcə alicənab, təvazökar, öz işinə məsuliyyətlə yanaşan, gənc olmasına baxmayaraq olduqca peşakar təhsil işçisidir. Bəhruz müəllim bu 1 il ərzində dəfələrlə Balakənə gəlmiş, vətəndaşlarla çoxsaylı görüşlər keçirmiş, xeyli sayda problemlərin həllinə köməklik etmişdir. Bəhruz Mehdiyevin regiona gəlişindən sonra təhsil sahəsinin, Elm və Təhsil Nazirliyinin, ümumilikdə müəllim adının nüfuzu xeyli qalxmışdır. Bu isə Regional Təhsil İdarələrinin yaradılması haqqında Fərman imzalayın Azərbaycan Respublikasının prezidenti cənab İlham Əliyevin qərarının bir daha necə düzgün və yerində olduğunu göstərir. Həmçinin kadr seçimində peşakar olan Elm və Təhsil naziri Emin Əmrullayevin necə düzgün qərar verdiyini də nümayiş etdirmiş oldu.

Nəzarət və rəhbərlik ciddi və peşəkar olduğuna görə artıq valideyinlərdə öz uşaqlarını könül rahatlığı ilə məktəbə gətirirlər. Həmçinin rayonumuzda müəllim işləmək istəyən gənclərin sayı da durmadan artır. Bu isə gələcəyə olan inamı və etibarı artır. Təhsil sahəsi bu gün inkişafdadırsa demək ki, biz cəmiyyət olaraq irəli gedirik. Təhsil sahəsi bu gün əmin əllərdədirsə, demək gələcəyimizə etibar edə bilərik. Balakən camaatı adından    Şəki - Zaqatala Regional Təhsil İdarəsinə, şəxsən Bəhruz müəllimə sonsuz təşəkkür edirik. Bizlər üçün çəkdiyiniz əziyyət üçün sizə sonsuz minnətdarıq.





Balaken.info
İbrahim Şıxməmmədov

Balakəndə koronavirus xəstəsi avtomobillə gəzintiyə çıxdı - VİDEO