FLAŞ
» » Seçicilərin qaldırdığı problemlər : həll edilmiş və həllini gözləyən problemlər

Seçicilərin qaldırdığı problemlər : həll edilmiş və həllini gözləyən problemlər


Azərbaycanda parlament seçkilərindən 6 ay keçir. Bu müddət ərzində formalaşan müstəqil dövlətimizin 6 - cı çağırış Milli Məclisi formalaşmış, öz fəaliyyətini xeyli inkişaf etdirmişdir.

Yanvar - fevral aylari dövründə rayonumuzda keçirilən təbliğat - təşviqat kompaniyası zamanı namizədliyi Yeni Azərbaycan Partiyası tərəfindən irəli sürülmüş 109 saylı Balakən seçki dairəsinin deputatı Nəsib Məhəməliyev seçki kompaniyası dövründə seçicilər tərəfindən qarşıya qoyulmuş məsələlərin həll üçün müntəzəm şəkildə çalışmışdır. Deputat Nəsib Məhəməliyev  Balakən.info saytına müsahibəsində həmən tələbləri ardıcılıqla sıralamış, bu problemlərin həlli üçün dövlət qarşında məsələ qaldırdığını bildirmişdir.

 Azərbaycan Respublikasının Prezidenti cənab İlham Əliyevin bir neçə gün öncə rayonumuza səfəri zamanı yeni qurumların açılışını həyata keçirmiş, yeni zamanda yeni lahiyələr in həyata keçirilməsi barədə müvafiq sərəncamlar imzalamışdır. Cənab prezidentin həlli barədə sərəncam verdiyi bir sıra məsələr birbaşa deputatın müsahibəsində qeyd etdiyi və seçicilər tərəfindən arzu edilən məsələlərdir.

Balakən rayonu ərazisində çoxsaylı işıq dirəkləri və elektrik xətlərinin dəyişdirilməsi işləri davam etdirilir. İşıq rayon əhalisinin keçmişdən problemli yeri olmuşdur. Rayon aqrar rayon olduğu üçün və əhalinin kənd təsərrüfatı ilə məşğulluğu yüksək olduğu üçün işıq və su məsələsi insanların ən vacib problemləri olur. Hal hazırda dövlət çalışır ki, bu problemlər həll edilsin. Deputatda müntəzəm şəkildə bu məsələlərin həlli üçün müvafiq qurumlar qarşında məsələ qaldırır. Cənab prezidentin sərəncamına əsasən rayonun içməli su və kanalizasiya probleminin həlli üçün işlər görüləcək və bu məqsədlə vəsait ayrılıb. Hazırda həllini gözləyən bir sıra problemlərdə mövcuddur. Rayondan 18 - 20 km aralıda yerləşən Qabaqçöl qəsəbəsində yeni xəstəxananın tikilməsi, eyni qəsəbədə məktəb bağçasının sökülüb yenidən tikilməsi, rayonun bir çox bölgəsinin internetlə təminatında olan problemlərin həlli, yeni məskunlaşan ərazilərdə qazlaşma işlərinin aparılması, ən müasir üslubda tikilmiş  və peşakar kollektivin xidmət göstərdiyi Balakən rayon Mərkəzi Xəstəxanasına böyrək xəstələri üçün ( böyrək xəstələri buna görə qonşu Zaqatala rayonuna getməyə məcbur olurlar ) homodializ aparatının alınması, əlil və xəstə uşağı olan valideyinlərin işləməsi, uşaqların isə saxlanması və təhsili üçün ixtisaslaşmış uşaq bağçası - məktəbinin tikilməsi, rayon ərazində işsizliyin aradan qaldırılması üçün özünü məşğulluq proqramının inkişaf etdirilməsi həllini gözləyən əsas problemlərdir. Həmən məsələlərin də həll edilməsi üçün millət vəkili öz fəaliyyətini davam etdirir.

Balakənin hər bir vətəndaşının qayğısız yenədə deputatın diqqət mərkəzində qalmaqdadır. Deputat Nəsib Məhəməliyev  avqustun 6 - da Milli Məclisin iclasında əllillərin problemi ilə bağlıda əhatəli çıxış etmiş, öz təklifini hökumətə çatdırmışdır. Deputat bildirmişdir ki, ele əlillər varki həqiqətən əmək qabiliyyətini itirib, yaxşı olar ki, Əmək və Əhalinin Sosial Müdafiəsi Nazirliyinin nümayəndələri ildə heç olmasa bir dəfə bölgələrdə səyyar yoxlamalar keçirsin. Bu çox mühüm və əhəmiyyətli təklifdir. Elə insan var ki, yerindən tərpənə bilmir, ağır xəstədir, həmən insanı sadəcə əlillik təyin etmək üçün müvafiq səhiyyə orqanına aparmaq ya mümkün deyil, yada həmən insanın sağlamlığı üçün olduqca böyük təhlükədir. Rayonumuzun deputatı tərəfindən irəli sürülmüş həlli vacib bu məsələ ölkədə yüzlərcə bu kateqoriyaya aid olan vətəndaşımızı ağır bir problemdə qurtaracaq və haqqı olan insanların əllik dərəcəsini almağa kömək edəcək.

Facebook sosial şəbəkəsində millət vəkilinin şəxsən özünün istifadə etdiyi profili fəaliyyət göstərir və bu seçici - deputat münasibətlərini daha inoovativ formada tətbiqinə şərait yaradır. İstənilən seçici həmən profil vasitəsi ilə birbaşa deputatla əlaqə yarada bilir. Balakən seçiciləri problemlərinin həlli ilə bağlı rahat ola bilər. Çünki onun daim əlçatan, rayonun problemini öz şəxsi problemi kimi bilən deputatı var. Ən əsası bizlər vətəndaşın səsini eşidən, onların problemlərinə heç vaxt biganə qalmayan bir dövlətin vətəndaşlarıyıq.

Balaken.info
Zeynal Əmrəliyev

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

YAP-ın deputatlığa namizədləri açıqlandı - TAM SİYAHI


Şərh yaz

Şərh yaz

yenilə, əgər kod görünmürsə