FLAŞ
» » "Pandemiya şəraitində beynəlxalq təşkilatlarla əməkdaşlığın davam etməsi ölkəmizin nüfuzunun göstəricisidir"

"Pandemiya şəraitində beynəlxalq təşkilatlarla əməkdaşlığın davam etməsi ölkəmizin nüfuzunun göstəricisidir"


İyunun 30-da BMT-nin Ümumdünya Turizm Təşkilatının təşəbbüsü ilə Azərbaycan Respublikasının Prezidenti İlham Əliyevlə bu təşkilatın Baş katibi Zurab Pololikaşvili arasında videokonfrans keçirilib.

Görüşdə Prezident bildirib ki, turizm pandemiya şəraitində ən çox zərər çəkmiş sahələrdən biridir: "Biz bunu Azərbaycanda da, bütün dünyada da müşahidə edirik. son vaxtlar Azərbaycana gələnlərin sayının xeyli artması müşahidə olunurdu. Keçən il rekord göstərici qeydə alınıb – 3 milyondan çox əcnəbi vətəndaş Azərbaycana səfər edib. Faiz nisbətində desək, turist axını təqribən 15 faiz artıb. Son 4-5 ildə orta illik artım göstəricisinin 10-24 faiz həddində olmasını nəzərə alsaq, deyə bilərik ki, bu sahə çox geniş vüsət alıb. Biz şadıq ki, özəl sektor bu sahəyə fəal sərmayə qoyur, dövlət də dəstək göstərir. Pandemiya dövründə biz bu sahədə işləyən insanlara maddi dəstək göstərmişik, çünki onlar praktiki olaraq işsiz qalıblar. Sahə bərpa olunmağa başlayana qədər bu dəstək göstəriləcək. Odur ki, mühüm məsələlər barədə danışmaq təşəbbüsünə görə sizə təşəkkür edirəm. Sizi yenidən görməyimə şadam".

Bizimyol.info-nun əməkdaşı mövzu ilə bağlı Milli Məclisin deputatı Nəsib Məhəməliyevin fikirlərini öyrənib.


Deputat bildirib ki, Azərbaycanda turizmin inkişaf etdirilməsi üçün ən münbit şərait mövcuddur: "Pandemiya başlanan gündən bəşəriyyətin qarşısında 2 məsələ dururdu:

-İqtisadiyyatı aktivliyi saxlamaq və inkişaf etdirmək.

-İnsanları qorumaq.

Azərbaycan Prezidenti İlham Əliyev vətəndaşların sağlamlığını önə çəkməklə ikinci, ən doğru yolu tutdu.

İqrisadi fəallıq, onun tərkib hissəsi olan turizm, dünyanın bütün ölkələrində aşağı düşmüşdür. O cümlədən ölkəmizdə. Nə qədər ki, pandemiya zəifləməyib, koronovirus əleyhinə vaksin tapılmayıb sərhədləri açmaq, turizm sektorunu canlandırmaq olmaz. Ümid edək ki, yaxın zamanlarda həyat öz normasına qayıdar və turizmlə bərabər iqtisadiyyatın digər sahələrini də bərpa edərik.

Ölkə Başçısısının bir çox sahələrlə yanaşı turizmin inkişafı ilə bağlı gördüyü tədbirlər, yaradılmış infrastruktur, həm yay həm də qış turizmi ilə məşğul olmaq istəyən insanlar üçün ideal şərait yaradılmışdır. Son illərdə tikilmiş turistik obyektlər ən müasir dünya standartlarına cavab verir və məsuliyyətlə demək istəyirəm ki, onlarda yaradılmış komfort, standartlar bir çox inkişaf etmiş Avropa ölkələrində belə yoxdur. Çox böyük məmnuniyyətlə istifadə etdiyim Şahdağ, kompleksi, beş ulduzlu otellər və s. Zəngin təbiət, dəniz, tarixi abidələrin bolluğu, hər birimizin qürur mənbəyinə çevrilmiş Bakı xarici turistlərin ölkəmizin turizm potensialını şərtləndirir.

Pandemiya ilə əlaqədar dövlət iqtisadiyyatı dəstəkləmək üçün xüsusi proqram hazırladı və icra edir. Proqramda turizm sektorunda çalışan işçilərin dəstəklənməsi nəzərdə tutulub".

Deputat Nəsib Məhəməliyev bildirib ki, Ümumdünya Turizm Təşkilatının baş direktoru cənab Prezidentlə videogörüşündə, Azərbaycanın turizm sektorunda apardığı siyasət, bir çox ölkələr üçün nümunə ola biləcəyi və təqdirəlayiq olduğu barədə fikirlər səsləndirildi: "Ümumdünya Turizm Təşkilatının baş direktoru dövlət başçısının turizmin inkişafına bilavasitə diqqət göstərməsini xarici turistlərin Azərbaycanda özlərini rahat, təhlükəsiz hiss etmələri üçün yaradılan şəraitə görə təşəkkürlərini bildirdi. Təbii ki, pandemiya şəraitində ölkəmizin beynəlxalq təşkilatlarla əməkdaşlığını davam etdirməsi və aparıcı rol oynaması sevindirici haldır və ölkəmizin beynəlxalq nüfuzunun göstəricisidir".

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin







Minimum əməkhaqqı mərhələlərlə artırılacaq


Şərh yaz

Şərh yaz

yenilə, əgər kod görünmürsə