Qurtuluş bayramının keçirilməsi ölkəmizin öz müstəqilliyinin daha da möhkəmləndirilməsində müstəsna rol oynayır, O dövrdə AXC, Müsavat cütlüyünün qeyri peşəkar, sivil idarəçilikdən kənar fəaliyyəti nəticəsində Azərbaycanın müstəqilliyi dağılmaq təhlükəsində idi, əgər 15 oyunda ulu öndər Heydər Əliyev hakimiyyətə gəlməsə idi Azərbaycan adlı dövlət olmazdı bu fikirləri Millət vəkili Məhəməliyev  Millixəbər. az-a müsahibəsində deyib.

– Ilk öncə, istərdim ki, ölkəmizdə hər il təntənəli surətdə qeyd olunan Qurtuluş Günü bayramının tarixindən bir az danışaq.

– Qurtuluş Günü Azərbaycan tarixində keçirilən ən önəmli bayramlardan biridir. Artıq 27 ildir ki, xalqımız bu bayramı təntənəli surətdə qeyd edir. Bu bayramın keçirilməsi ölkəmizin öz müstəqilliyini daha da möhkəmləndirməsimdə müstəsna rol oynayır. Tarixə nəzər salsaq, hələ sovet hakimiyyəti dövründə Azərbaycana beş il ərzində, beş rəhbər təyin olunmuşdu. Ancaq onların uğursuz siyasəti nəticəsində Azərbaycan az qalmışdı ki, dünya xəritəsindən silinsin. Əbdürrəhman bəy Vəzirovun zamanında 20 Yanvar faciəsi baş verdi və o, qaçıb ölkəni tərk etdi. Ayaz Mütəllimovın hakimiyyəti dövründə Xocalı soyqırımı oldu. O da istefa verib ölkəni tərk etdi. O dövrdə nəinki xaricdən separatçı qüvvələrin basqısı, hətta ölkənin ayrı-ayrı bölgələrində müxtəlif siyasi qüvvələr arasındakı çaxnaşmalar da müstəqilliyimizin aparılmasına zəmin yaradırdı. O dövrdə hakimiyyətdə olan yarıtmaz AXC, Müsavat cütlüyünün qeyri peşəkar, sivil idarəçilikdən kənar fəaliyyəti nəticəsində Azərbaycanın müstəqilliyi dağılmaq təhlükəsində idi. Səriştəsiz liderlərin ölkəni idarə etməsi torpaqlarımızın işğal edilməsinə, vətəndaşlarımızın sosial durumunu minimuma endirmişdir. Bir sözlə xalqımız özünün ən acınacaqlı ağır dövrünü yaşayırdı. Məhs belə, bir vaxtda xalqımızın əsl liderə, əsl siyasətçiyə ehtiyacı var idi. Xalq olaraq hamı o vaxt Naxçıvan Muxtar Respublikasının Ali Sovetinin sədri olan ümummilli lider Heydər Əliyevin hakimiyyətə gəlməsini istəyir və o vaxtkı hakimiyyətdə də bunu tələb edirdilər. Əslində o vaxtkı hakimiyyətdə də bunun vacibliyini dərk edirdi. Çünki ölkə daxilindəki pərakəndəliyi, özbaşınalığı, siyası qırğınları yalnız və yalnız Heydər Əliyev yoluna qoya bilərdi. Bəli, 1993-cü ilin iyun ayında hakimiyyətin istəyi ilə ulu öndər Bakıya gəldi və Ali Sovetin sədri seçildi. Məhz onun gəlişindən sonra ölkədə sabitlik bərpa olundu. Bütün sahələrdə islahatlara başlanıldı. Buna görə də, iyunun 15-i Azərbayca tarixinə qızıl hərflərlə yazıldı. Yenə də təkrar etmək istəyəm ki, əgər 15 iyunda ulu öndər Heydər Əliyev hakimiyyətə gəlməsə idi dünya xəritəsində Azərbaycan adlı dövlət olmazdı. Mən bunu tam məsuliyyətimlə deyirəm.

– Ulu öndərin siyasi fəaliyyətini və uğurlarını ümumiləşdirsək, onu necə xarakterizə edərdiniz?

– Şübhəsiz ki, ümummilli lider Heydər Əliyev müasir Azərbaycanın qurucusu və banisidir. Bu, artıq bir tarixi faktdır. Lakin geniş müstəvidən baxanda görürük ki, məhz Heydər Əliyevin uzaqgörən siyasəti nəticəsində ölkədə qardaş qırğının və bir çox qiyamların qarşısı alındı. Həmin dövrdə hər bir sahədə islahatlar həyatı keçirildi. Əhalinin rifahı yaxşılaşdı. Vətəndaşlara pulsuz torpaqlar verildi. Bu qismdən olan islahatları sadalamaqla bitməz.

– Son olaraq, gənclərin Qurtuluş Günü ilə bağlı maarifləndirilməsini necə dəyərləndirirsiniz?

– Bu tarix heç bir zaman unudulmamalıdır. Tarix unudulmayanda faydalı olur. Gənclərə bu tarix həmişə aşılanmalıdır. Bu bayramın mahiyyəti izah edilməlidir. Ümumiyyətlə, ulu öndər Heydər Əliyevin həyatı və fəaliyyəti gənclərə örnək olmalıdır.