Balaken.info xəbər verir ki, 15 iyun 2020 - ci il tarixdə VI çağırış Milli Məclisin deputatı Nəsib Məhəməliyev YAP-ın Balakən rayon şöbəsinin inzibati binasında Balakən rayon İcra Hakimiyyətinin birinci müavini Azad Balayevin iştirakı ilə sosial izolyasiya qaydalarına riayət etməklə seçicilərlə növbəti qəbul keçirdi. Qəbulda 47 nəfər  fərdi qaydada tək-tək seçici dinlənildi.

Qəbul zamanı seçiciləri daha çox narahat edən məsələlər arasında məişət problemləri, işədüzəltmə, təhsil haqqı, sosial müavinətlər, işıq dirəklərinin və xətlərinin dəyişdirilməsi, icarəyə torpaq sahələrinin verilməsi, maddi yardımlar, telefon və internet xətlərinin çəkilməsi, su problemləri və bu kimi digər məsələlər üstünlük təşkil etmişdir. Qaldırılan məsələlər yerindəcə araşdırılmış, mövcud qanunvericiliyə uyğun olaraq müvafiq tapşırıqlar və tövsiyələr verilib, həlli vaxt tələb edən məsələlər deputat köməkçisi tərəfindən nəzarət üçün qeydiyyata alınıb.

Qəbul zamanı seçicilərin çoxsaylı suallarını cavablandıran deputat hər zaman onların yanında olduğunu bildirdi.