FLAŞ
» » “Birgə bəyanat”ın siyasi və hüquqi əhəmiyyəti olduqca böyükdür”

“Birgə bəyanat”ın siyasi və hüquqi əhəmiyyəti olduqca böyükdür”


“Bu, gələcəkdə digər beynəlxalq təşkilatlar üçün presedent ola bilər”

“Bu bəyanatın qəbulu Ermənistana təzyiqin bir formasıdır və ölkəmizin ərazi bütövlüyünün tanınması deməkdir”


“Həmin bəyanatı, Avropa Parlamentinin Azərbaycan və Ermənistan üzrə məruzəçiləri ilə birlikdə Avropa Parlamentinin Cənubi Qafqaz ölkələri üzrə Parlament əməkdaşlıq komitəsinin həmsədri, xanım Mariana Kalyurand da imzalayıb”. 

Bunu “Sherg.az”a açıqlamasında millət vəkili Nəsib Məhəməliyev deyib. 

Deputat bildirib ki, birgə bəyanat Ermənistan rəhbərliyinin apardığı siyasətin əsl mahiyyətini açmaqla beynəlxalq hüquq prinsiplərinə zidd olduğunun sübutudur: 

“Eyni zamanda çəkilişi nəzərdə tutulan yolun, Avropa təsisatları tərəfindən Azərbaycan ərazilərinin olması barədə təsdiq olunmasıdır. Çünki, birgə bəyanatda açıq şəkildə yolun çəkilməsi üçün Azərbaycan tərəfinin razılığının olmasının vacibliyi götərilir. Nəhayət, Avropa Parlamenti, demokrat cildinə girmiş Ermənistanın baş naziri Nikol Paşinyanın, Dağlıq Qarabağ konfliktinin sülh yolu ilə həllinin vacibliyi barədə səsləndirdiyi bəyanatlara inanmır. Müxtəlif bəhanələrlə danışıqlar prosesindən yayındığını, bununla da vaxtı uzadaraq Azərbaycan torpaqlarını işğal altında saxlamaq məqsədini dərk edirlər. Avropa Parlamentinin qəti mövqeyi Ermənistanın daxilində ciddi ictimai rezonans yaradacaq. Hökumətə olan etimad limiti daha da azalacaq. Onsuz da, hakimiyyətə gələndən sonra, xalqa verdiyi çoxsaylı vədləri yerinə yetirə bilməyən Paşinyan növbəti zərbəsini aldı”. 

Parlament üzvü bildirib ki, Avropa Parlamenti məruzəçilərinin birgə bəyanatının siyasi və hüquqi əhəmiyyəti olduqca böyükdür: 

“Bu, gələcəkdə digər beynəlxalq təşkilatlar üçün presedent ola bilər. Qaldı ki, beynəlxalq qurumların Ermənistana təzyiq göstərməsinə, demək olar ki, bu bəyanatın qəbulu belə təzyiqin bir formasıdır və ölkəmizin ərazi bütövlüyünün tanınması deməkdir. Hesab edirəm ki, bu, ölkə başçısı İlham Əliyevin beynəlxalq nüfuzunun, sistemli şəkildə apardığı xarici siyasətin növbəti diplomatik qələbəsidir. Azərbaycan güclü dövlətə çevrildikcə, digər qələbələr də olacaq”.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Deputat: Əli Nağıyev və Vilayət Eyvazov etimadı doğruldurlar


Şərh yaz

Şərh yaz

yenilə, əgər kod görünmürsə