FLAŞ
» » “Özünütəcrid, ictimai yerlərdə tibbi maskalardan istifadə, sosial məsafə özünü doğrultmuş metodlardır”

“Özünütəcrid, ictimai yerlərdə tibbi maskalardan istifadə, sosial məsafə özünü doğrultmuş metodlardır”


Nəsib Məhəməliyev: “Koronavirusun yayılmasının qarşısını almaq üçün effektiv vasitələr bunlardır”

“Covid-19 yeni olduğu üçün əvvəldən geniş ictimaiyyətdə, onun əlamətləri barədə məlumat demək olar ki, yox idi. Pandemiya başlanan andan Azərbaycan həkimləri, ölkə Başçısının tapşırığına əsasən, Ümumdünya Səhiyyə Təşkilatınının mütəxəssisləri ilə məsləhətləşmələr apardılar”. Bunu “Xalq cəbhəsi”nə açıqlamasında millət vəkili Nəsib Məhəməliyev bildirib. Millət vəkili əlavə edib ki, koronavirus, qısa zamanda dünyanın əksər ölkələrini əhatə etdiyinə görə, Ümumdünya Səhiyyə Təşkilatı öz vəzifələrinə uyğun olaraq tövsiyələrini verdi: “Bunlar ilk növbədə, özünütəcrid, ictimai yerlərdə tibbi maskalardan istifadə, sosial məsafə saxlamaq, əlləri tez tez sabunla yumaq, gün ərzində dizenfeksiya edici məhlullardan istifadə etmək və ümumiyyətlə ciddi şəkildə şəxsi gigiyena qaydalarına əməl etməkdir. Sınanmış və özünü doğrultmuş metodlardır. Çox sadə. Koronavirusun yayılmasının qarşısını almaq üçün effektiv vasitələr bunlardır. Hələ ki, başqası icad olunmayıb”.

Əli Zülfüqaroğlu

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin

Məmurlara və cəmiyyətə ismarıc


Şərh yaz

Şərh yaz

yenilə, əgər kod görünmürsə