» » DAXİLİ İŞLƏR NAZİRİ DAHA BİR GENERALI TƏQAÜDƏ GÖNDƏRDİ –Yerinə təyinat oldu (FOTO)

DAXİLİ İŞLƏR NAZİRİ DAHA BİR GENERALI TƏQAÜDƏ GÖNDƏRDİ –Yerinə təyinat oldu (FOTO)


Daxili İşlər Nazirliyinin (DİN) Baş Mühafizə İdarəsinin rəisi, polis general-mayoru Yaşar Əliyev vəzifədən azad edilib.

Bununla bağlı Daxili İşlər naziri, general-polkovnik Vilayət Eyvazov əmr imzalayıb.

Strateq.az “Unikal.org”a istinadla xəbər verir ki, Y. Əliyev xidmətdə olmanın son yaş həddi ilə əlaqədar təqaüdə göndərilib.


Xatırladaq ki, Yaşar Ədilxan oğlu Əliyev 8 sentyabr 1960-cı ildə Bakı şəhərində anadan olub. 1981-ci ildə Daxili İşlər Nazirliyinin Ali Hərbi-Siyasi Məktəbini bitirib.

1981-ci ildə SSRİ daxili qoşun hissələrində, Tbilisi şəhərində yerləşən 69-cu diviziyada, daha sonra Bakı şəhərin DİO-da müxtəlif məsul vəzifələrdə işləyib.

2011-ci ilin may ayınadək Bakı Şəhər Baş Polis İdarəsi rəisinin müavini vəzifəsində çalışıb.

2011-ci ildən Azərbaycan Respublikası Daxili İşlər Nazirliyi Baş Mühafizə İdarəsinin rəisi idi.


Nazirin digər əmri ilə Bakı Şəhər Baş Polis İdarəsinin rəis müavini, polis polkovniki Nurullah Məmmədxanlı DİN-in Baş Mühafizə İdarəsinin rəisi vəzifəsinə təyin edilib.

Polkovnik Nurulla Məmmədxanlı isə 1964-cü ildə Balakən rayonunda anadan olub. DİN-in Sankt-Peterburqakı Ali Hərbi Siyasi Akademiyasını bitirib. Uzun müddət Daxili Qoşunlarda müxtəlif vəzifələrdə xidmət keçib.

2005-ci ildə Çevik Polis Alayının rəisi müavini, 2008-ci ildə BŞBPİ-nin İctimi Təhlükəsizlik İdarəsinin rəisi, 2020-ci ildə isə BŞBPİ-nin rəis müavini təyin olunub.

Mehriban Əliyevadan Mütəllibovun xanımının yas mərasimi ilə bağlı - TAPŞIRIQ