Son aylarda dünya gündəmini ən çox zəbt edən mövzular arasında ən populyarı koronovirus olduğunu qeyd etsəm,düşünürəm ki,yanılmaram.

Ümumdünya səhiyyə təşkilatının verdiyi son məlumatlara görə,26 ölkədə bu virus aşkarlanmışdır və yayılmaqda davam edir.Dünyanın bir çox ölkələri, həmin virusun mənbəyi olan Çinlə əlaqələrini maksimum həddə məhdudlaşdırmışdırlar.

Görülən tədbirlərə baxmayaraq,77 000- dən yuxarı virusa yoluxmuş insanın 2 500-ü artıq dünyasını dəyişmişdir.

Gündən günə koronovirusun coğrafiyası genişlənərək Asiyanın, Avropanın bəzi ölkələrini, hətta bizə çox yaxın qonşu olan İran və Rusiyada da yoluxanlar aşkarlanmışdır. İranda bir neçə nəfər vəfat etmişdir.

Hesab edirəm ki, təcili olaraq, Respublikamızın səhiyyə nazirliyi təcili olaraq qabaqlayıcı tədbirlər görməli, ilk növbədə İranla giriş- çıxış, aviasiya və digər reyslər məhdudlaşdırılmalıdır. Kütləvi informasiya vasitələri , televiziya kanalları vasitəsilə mütəxəssislər, əhalini maarifləndirməlidirlər. İndiyə qədər məlum olan digər viruslardan ( quş, donuz və s.)fərqli olaraq koronovirusun həm müayinəsi, həm də müalicəsi ciddi çətinliklər yaradır. İnkar olunmaz fakdır ki, bir çox vətəndaşlarımız, adi gigiyenik qaydalara belə riayət etmirlər və məlumatsızdırlar.

Problemi görməməzliyə vurmaq, daha ciddi problemlərə yol açmaq deməkdir.