7 fevral 2020-ci ildə 109 saylı Balakən seçki dairəsindən Yeni Azərbaycan Partiyasının deputatlığa namizədi Nəsib Məhəməliyev Balakən rayon Mədəniyyət evində seçicilərlə sonuncu görüşünü keçirmişdir. 

Tədbiri giriş sözü ilə açan YAP-ın Balakən rayon təşkilatının sədri Azad Balayev Azərbaycan Respublikasının Prezidenti cənab İlham Əliyevin 9 fevral 2020-ci il tarixində 6-cı çağırış növbədənkənar parlament seçkiləri təyin etdiyini xatırladaraq təbliğat kompaniyası dövründə əhalinin seçkilərə marağının yüksək olduğunu ifadə etdi. Azad Balayev qeyd etdi ki, əhali iqdidar partiyasının yenidən Nəsib Məhəməliyevin namizədliyini irəli sürməsini böyük sevinclə qarşılayıraq onu tanıdıqlarını, fəaliyyətindən xəbardar olduqlarını bildirirlər. Buna görədə təbliğat qrupunun üzvləri üçün kompaniya çox asan keçmişdir.

Daha sonra çıxış edən təbliat komandasının üzvlərindən rayon Ağsaqqallar Şurasının sədri Rəşid Musayev və YAP-ın rayon təşkilatının təsisçilərindən təqaüddə olan həkim Ramazan Xanayev Nəsib Məhəməliyevin 4 illik deputatlıq fəaliyyətinin təqdirəlaiq olduğunu bildirərək ona gələcək siyasi həyatında da uğurlar arzu etdilər.

Çxış edən YAP-ın deputatlığa namizədi Nəsib Məhəməliyev Azərbaycan Respublikasının Prezidenti İlham Əliyev və Birinci Vitse-Prezidenti Mehriban Əliyevanın ölkədə həyata keçirdiyi mütərəqqi siyasətindən söz açaraq bu siyasətin nəticəsində Azərbaycanın yüksələn xəttlə daha da inkişaf etdiyini bildirdi. YAP-ın bu seçkilərə " Daha güclü Azərbaycan naminə !" şüarı ilə getdiyini xatırladaraq bu seçkilərdə YAP-ın böyük qələbə qazanacağını əminliyini ifadə etdi. Azərbaycan xalqının hər zaman ulu öndər Heydər Əliyev tərəfindən əsası qoyulan və İlham Əliyev tərəfindən uğurla davam etdirilən siyasi xətti müdafiə etdiyini xatırladaraq bu siyasətin nəticəsində ölkəmizin günü-gündən daha çox uğurlara imza atdığını bildirdi.

Çıxış edən rayon sakinləri Eyvaz Əzimov və Sabir Qardaşov Nəsib Məhəməliyevin qalibiyyətinə inandığını bildirərək həyat və fəaliyyətində yeni uğurlar arzu etdilər.

Rayonun gəncləri adından çıxış edən Bakı Dövlət Universtetinin hüquq fakültəsinin 1-ci kurs tələbəsi Jalə Nastakalova Nəsib Məhəməliyevin hər zaman gənclərə dəstək verdiyini bildirərək Nəsib müəllimi yenidən Milli Məclisdə görmək istədiklərini bildirdilər.

Şəhid Pənah Pənahovun anası Nəsibə Pənahova çıxış edərək Nəsib Məhəməliyevin rayonda gördüyü xeyriyyə tədbirlərini xüsusi olaraq qeyd edərək onun harda çalışmasından asılı olmayaraq daim imkansız insanların, şəhid ailələrinin, əlillərin yanında olduğunu qeyd etdi.

İncəsənət işçiləri adından çıxış edən Balakən rayon Heydər Əliyev Mərkəzinin direktoru Ləman Balayev mədəniyyət işçilərinin Nəsib Məhəməliyevin yenidən iqdidar partiyası tərəfindən namizəd göstərilməsinin çox böyük sevinclə qarşıladığı bildirdilər. Nəsib müəllimə fəaliyyətində uğurlar arzu edən mərkəz direktoru rayon mədəniyyət işçilərinin seçkilərdə yekdilliklə YAP-ın namizədini dəstəkləyəcəyini bildirdi.

Rayon ağsaqqalları adından çıxış edən Tahir Məmmədov, İslamməddin Şahverdiyev və Şöyüq Mikayılov Nəsib Məhəməliyevin hansı vəzifədə olmağından asılı olmayaraq daim Balakəni, balakənlilərin səsi olduğunu bildirərək hər kəsi 9 fevral günü bu elçiliyi bir daha resmiləşdirməyə çağırdılar.

Tədbir YAP tərəfindən irəli sürülmüş deputatlığa namizəd Nəsib Məhəməliyevin yekun nitqi ilə sona çatdı. //Zeynal Amraliyev//