30 yanvar 2020-ci ildə saat 11:00-da Yeni Azərbaycan Partiyasının 109 saylı Balakən seçki dairəsindən deputatlığa namizədi Nəsib Məhəməliyev Qaysa kəndindən olan seçicilərlə görüş keçirmişdir. 

Tədbiri giriş sözü ilə açan YAP-ın rayon təşkilatının sədri Azad Balayev növbədənkənar parlament seçkilərinin keçirilməsinin mahiyyətini izah edərək rayon təşkilatının YAP-ın İdarə Heyətinin N.Məhəməliyevi 109 saylı Balakən seçki dairəsindən deputatlığa namizədliyini irəli sürməsini böyük sevinclə qarşıladıqlarını bildirdi.

Çıxış edən deputatlığa namizəd Nəsib Məhəməliyev Azərbaycan Respublikasının Prezidenti cənab İlham Əliyevin və Azərbaycanın birinci xanımı Mehriban Əliyevanın gördüyü işləri əhaliyə çatdırdı.

Nəsib Məhəməliyev  seçicilərlə görüş zamanı seçki platforması haqqında geniş məlumat verərək, qanunvericilik fəaliyyəti, Dağlıq Qarabağ münaqişəsinin həlli, təhsil, idman, səyhiyyə, milli-mənəvi dəyərlərin qorunması, gənclərə qayğı və əhalinin məşğullu istiqamətində görəcəyi işlər barədə danışıb.

Çıxış edən kənd sakinlərindən Meysarat Qaysayeva, Muhuma Xoçberov, Musa Dibirov, Abdulla Xanayev, Zemfira Mustafayeva, Kərimət Məmmədova, Ramazan Abakərov, Bəşir Çopsiyev, Camaldin Kahayev və Rəfail Oynağanov çıxış edərək seçkidə fəallıq göstərəcəklərini və Nəsib müəllimə səs verəcəklərini dedilər.

Sonda Nəsib Məhəməliyev 9 fevral tarixində hamılıqla səsvermədə iştirak etməyin vacibliyini qeyd edib.