Balaken.info xəbər verir ki , 2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində Yeni Azərbaycan Partiyası (YAP) tərəfindən 110 saylı Balakən seçki dairəsindən deputatlığa namizədliyi irəli sürülmüş Nəsib Məhəməliyev Püştətala  kəndinin seçiciləri ilə görüş keçirdi.

Tədbiri giriş sözü ilə açan YAP Balakən rayon təşkilatının sədri Azad Balayev  Püştətalalıları salamladıqdan sonra bildirdi ki,artıq Püştətala kəndi 110 saylı seçki dairəsinə aiddir.Əvvəllər 111 saylı Zaqatala-Balakən dairəsinə aid idilər.

Püştətalalılar qarşılarında bir Balakənlini,yerli namizədi,Nəsib müəllimi görəndə sevindilər,bundan məmnun oldular.İstər tribunadan,istərsə də yerdən çıxış edən natiqlər bunu gizlətmirdilər,əksinə çıxışlarında vurğuluyurdular.Bunun üçün ayrıca cənab Prezidentə təşəkkürlərini bildirdilər.

Təbliğat-təşviqat qrupunun üzvlərindən Azər müəllim,Qardaşov Sabir, şəhid atası Mollaçiyev Rəcəb və digər çıxış edənlər kənd sakinlərini seçkidə fəal olmağa,səsvermədə iştirak edərək öz namizədini dəstəkləməyə,ona səs verməyə çağırdılar.Kənd sakinləri bir çox məsələlərini,problemlərini də səsləndirdilər.Nəsib müəllim seçicilərin qaldırdığı məsələləri,verdikləri təklifləri diqqətlə dinləyərək yaddaş vərəqinə qeyd etdi.Bəzi məsələlərin həllinin tapşırığını və əminliyini yerindəcə verdi.Bu görüş, Nəsib müəllimlə Püştətalalıların  həm də namizəd-seçici münasibətində  ilk qarşılaşması idi.İlk görüş unudulmur.

Yeni Azərbaycan Partiyası (YAP) tərəfindən 110 saylı Balakən seçki dairəsindən deputatlığa namizədliyi irəli sürülmüş Nəsib Məhəməliyev öz çıxışında Püştətala kənd seçicilərini seçki platforması ilə tanış edərək seçildikdən sonra daha sıx görüşəcəklərini , verdiyi sözlərinin arxasında olduğunu bildirdi. Deputatlığa namizədin çıxışından bir bölümü Balakən-Bakı dəmir yolunun Balakən hissəsini tamamilə bağlayaraq sökmək istəyirdilər.Bunu eşitdikdə dərhal aidiyyatı nazirliyə etirazımı bildirərək,böyük siyasi səhv etdiklərini dedim.Bakı-Balakən dəmir yolu,Balakən stansiyası  Heydər Əliyevin fəaliyyətinin,onun əməli işinin nəticəsi,Ulu Öndərin xatirəsi,Balakənlilərə hədiyyəsidir.Məhz Heydər Əliyevin göstərişi və nəzarətində tikilən, hardasa tarixi dəmir yolunu söküb ataraq, itirməklə Azərbaycan tarixindən bir növ Heydər Əliyev irsini,izini,işini silmiş olursuz. Balakən-Bakı  dəmir yolu tezliklə fəaliyyətə başlayacaq.Təhlil etdikdə  görərik ki, Nəsib müəllim həm Balakənə,həm Balakənlilərə,həm də Azərbaycan Dövlətinə,dövlətçiliyə,Müasir Azərbaycanın qurucusu Heydər Əliyevə sadiq adamdır.

Püştətalalılar bunu dəyərləndirəcəklərini,seçki günü öz sözünü deyəcəklərini bildirdilər.