29 yanvar 2020-ci ildə saat 11:00-da Yeni Azərbaycan Partiyasının 109 saylı Balakən seçki dairəsindən deputatlığa namizədi Nəsib Məhəməliyev rayonun Qazbölük kənd tam orta məktəbində bu kənddən olan seçicilərlə görüş keçirmişdir. 

Tədbiri giriş sözü ilə açan Balakən rayon Ağsaqqallar Şurasının sədri, YAP-ın deputatlığa namizədinin vəkili Rəşid Musayev növbədənkənar parlament seçkilərinin keçirilməsi səbəbindən, Nəsib Məhəməliyevin həm icra başçısı, həmdə əvvəlki deputatlıq fəaliyyətində rayon üçün gördüyü işlər barədə məlumat verdi.

Rəşid Musayev bildirdi ki, partiyanın rayon təşkilatı YAP-ın İdarə Heyətinin Nəsib Məhəməliyevi 109 saylı Balakən seçki dairəsindən deputatlığa namizəd göstərilməsini böyük sevinclə qarşıladılar.

Daha sonra çıxış edən Azərbaycan Yazıçılar Birliyinin üzvü, Prezident təqaüdçüsü Ramazan Xutrayev Nəsib müəllimin bütün fəaliyyəti ərzində daim Qazbölük kəndini diqqətdə saxladığını, hər zaman kəndin problemləri ilə maraqlanaraq həll edilməsi üçün üçün əhəmiyyətli fəaliyyət göstərdiyini bildirdi.

Tanınmış şair müsbət fəaliyyətinə görə kənd sakinləri adından Nəsib Məhəməliyevə təşəkkür edərək bundan sonrada onun özlərini Milli Məclisdə təmsil etməsini arzuladıqlarını bildirdi.

Çıxış edən deputatlığa namizəd Nəsib Məhəməliyev kənd sakinlərinə dəstəklərinə görə təşəkkür etdi. Deputatlığa namizəd Azərbaycan Respublikasının Prezidenti cənab İlham Əliyevin həyata keçirdiyi böyük islahat siyasətindən, Azərbaycan əhalisinin sosial müdafiəsinin gücləndirilməsi üçün son dövrlər həyata keçirilən tədbirlərdən, Azərbaycan Respublikasının Birinci Vitse-Prezidenti, Heydər Əliyev Fondunun prezidenti Mehriban xanım Əliyevanın aztəminatlı ailələrə, dəstəyə ehtiyyacı olan şəxslərlə bağlı gördüyü işlərdən danışdı.

Daha sonra çıxış edən kənd sakini Hacı Osmanov kəndin bir sıra problemlərini deputatlığa namizədin diqqətinə çatdırdı. Digər seçicilərdə ayrı-ayrılıqda öz problemləri barədə deputalığa namizədə məlumat verdilər.

Kənd sakinlərini narahat edən məsələlər qeydiyyata alındı.

Nəsib Məhəməliyev onların həlli yollarını izah etdikdən sonra bildirdi ki, əgər yenidən Milli Məclisin deputatı seçilərsə bu məsəsələrin qanunvericililk çərçivəsində həlli üçün çalışacaq.

Tədbir, YAP-ın deputatlığa namizədi Nəsib Məhəməliyevin yekun nitqi ilə sona çatdı.