109 saylı Balakən Seçki Dairəsindən parlament üzvlüyünə namizəd Nəsib Məhəməliyev yanvarın 24-də əvvəlcə Sarıbulaq , sonra isə Qabaqçöl qəsəbəsinin Yeni Şərif kəndində yaşayan seçicilərlə görüş keçirdi. 

Görüşdə N.Məhəməliyev  Azərbaycan Respublikasının Prezidenti cənab İlham Əliyevin və Azərbaycanın birinci xanımı Mehriban Əliyevanın gördüyü işləri əhaliyə çatdırdı.

Nəsib Məhəməliyev  seçki platforması haqqında geniş məlumat verərək, qanunvericilik fəaliyyəti, Dağlıq Qarabağ münaqişəsinin həlli, təhsil, idman, səyhiyyə, milli-mənəvi dəyərlərin qorunması, gənclərə qayğı və əhalinin məşğullu istiqamətində görəcəyi işlər barədə danışıb.

Seçicilər hakim partiya tərəfindən Nəsib müəllimin namizədliyinin irəli sürülməsini bəyəndiklərini bildirdilər.

Sarıbulaq kəndinin hörmətli müəllimi,ziyalısı Fərhad Mustafayev yaşayış sahəsində yeni transformatora ehtiyac duyulduğunu bildirdi,məktəbin təmirinə kömək edilməsini xahiş etdi. Arif Məmmədov Ağkilsə-Sarıbulaq kəndləri arasındakı 2 kilometr yola asfalt çəkilməsini,Sədrəddin Eminov isə artezian quyusunun qazılmasını xahiş etdilər.

Yeni Şərif kəndindəki görüş də fəallıq mühitində keçdi. Sakinlər kənddə təzə məktəb binasının və uşaq bağçasının tikilməsini arzuladıqlarını bildirdilər. Hər 2 görüşdən sonra Nəsib Məhəməliyev məktəblərdəki mövcud şəraitlə yerindəcə tanış oldu.

Sonda Nəsib Məhəməliyev 9 fevral tarixində hamılıqla səsvermədə iştirak etməyin vacibliyini qeyd edib.