FLAŞ
» » Milli Məclisin növbəti iclası keçirildi

Milli Məclisin növbəti iclası keçirildi


Xəbər verildiyi kimi, Milli Məclisin dekabrın 2-də keçirilən iclası yalnız bir məsələyə – YAP fəalları tərəfindən qaldırılan parlamentin buraxılması və növbədənkənar parlament seçkilərinin keçirilməsi məsələsinə həsr olundu.

Belə bir təşəbbüsün qaldırılması parlamentarilərinin, həm də tarixdə ilkə imza atmaları kimi də dəyərləndirmək olar. Müzakirələr irəli sürülən təşəbbüsün yekdilliklə dəstələnməsi ilə nəticələndi və sonda deputatların say çoxluğu ilə parlamentin buraxılması və növbədənkənar parlament seçkilərinin keçirilməsi ilə əlaqədar ölkə prezidentinə müraciət ünvanlandı.

Oxucular üçün də maraqlı olsun deyə, müzakirə zamanı daha çox diqqət çəkən çıxışlardan bir neçəsini olduğu kimi dərc edirik.
Millət vəkili Azər Badamov: - Aydın görünür ki, dövlət başçısının başladığı islahatlar dönməz və məqsədyönlüdür. Əsas məram hakimiyyətin bütün qollarını bu prosesə qoşmaq, bütün resurslardan səmərəli istifadə etmək, mövcud potensialı tam realizə etməkdir.

Şübhəsiz ki, hakimiyyətin bütün qollarının novatorluğu, yenilikçi təşəbbüskarlığı və şəffaflığı həm idarəetməni sadələşdirər, həm də yeni inkişafa davamlı xarakter qazandıra bilər.

Ölkəmizdə geniş vüsət almış islahatlara adekvat qanunvericilik bazası ortaya qoya bilən yeni parlamentin yaradılmasına ehtiyac var. Düşünürəm ki, yeni yaradılacaq parlament islahatçı, daha təşəbbüskar olmaqla islahatlar prosesinə töhfə verməli və bu prosesə qoşulmalıdır. Təmsil olunduğum Yeni Azərbaycan Partiyasının deputatlarının təşəbbüsünə digər siyasi partiyaları təmsil edən və bitərəf həmkarlarımın qoşulması ilə parlamentin buraxılmasıyla bağlı ölkə başçısına ünvanlanan müraciət hər birimiz üçün milli və dövlət maraqlarının şəxsi maraqlarından üstün olduğunun göstəricisidir. Təşəbbüsümüz cəmiyyət tərəfindən çox yüksək səviyyədə qəbul olunur. Hesab edirəm ki, həmkarlarımızla düşüncələrimiz birdir, məsələnin geniş müzakirəsinə ehtiyac yoxdur və hər birinizə uğurlar arzulayıram.

Millət vəkili Nəsib Məhəməliyev: - Yeni Azərbaycan Partiyasının rəhbər orqanlarından olan siyasi şuranın təşəbbüsü ilə parlamentin buraxılması və növbədənkənar parlament seçkilərinə gedilməsi məsələsini mən də dəstəkləyirəm. Təbii ki, cəmiyyətdə çoxsaylı müxtəlif fikirlər mövcuddur. Ancaq bu da bir faktdır ki, beşinci çağırış Milli Məclisin Azərbaycanın müstəqillik tarixində kifayət qədər rolu, əhəmiyyəti var və cəmiyyətimizin inkişafı üçün lazım olan bir çox qanunların qəbul olunmasında, ələlxüsus Ələt İqtisadi Zonanın yaradılması haqqında yeni qanunun qəbul olunması və bu qəbildən bir çox qanunların qəbul olunmasında beşinci çağırışın böyük əhəmiyyəti vardır.

Narahatlıq doğuran məsələlərdən biri də budur ki, sosial şəbəkələrin, informasiya kommunikasiya texnologiyalarının imkanlarından sui-istifadə edən bir zümrə parlamentin beşinci çağırış tərkibini yetərincə qarayaxmalarla, müxtəlif dövlət siyasətinin aparılması ilə bağlı günahlandıranlar kifayət qədərdi. Ancaq bu da bir faktdır ki, Respublika Prezidenti cənab İlham Əliyevin apardığı hərtərəfli siyasət Milli Məclis tərəfindən dəstəklənib, operativ olaraq bütün qanunvericilik təşəbbüsləri yüksək qarşılanmışdır. Cənab Prezidentin həm referendumların keçirilməsilə bağlı, həm də seçkilərin keçirilməsi ilə bağlı, istənilən siyasətin yerlərdə təbliğilə bağlı kifayət qədər effektiv iş aparılmışdır.

Hesab edirəm ki, səhvlərimizdən də nəticə çıxarmalıyıq. Parlamentin ideoloji işinin gələcəkdə yenidən qurulmasına ehtiyac var. Parlamentin qəbul elədiyi qanun və qərarların ictimaiyyət arasında kifayət qədər təbliğ olunmasında daha effektli iş apara bilərik. Ayrı-ayrı ixtisaslaşmış telekanallar, internet vasitəsilə qanunların, qərarların qəbulunun zərurəti haqqında cəmiyyəti daha müfəssəl məlumatlandırmalıyıq. Bu da bir faktdır ki, gördüyümüz bir çox işləri reklam etmirik, kifayət qədər təbliğ etmirik.

Şəxsiyyət anlayışına uyğun olaraq təvazökarlığı daim üstün tutduğum üçün gördüyüm işlərin heç on faizini də təbii ki, reklamdan uzaq olduğum üçün insanlara çatdırmıram.

Ancaq parlamentin gələcəkdə cəmiyyət arasında daha pozitiv imicinin formalaşması baxımından daha geniş təbliğata, ideoloji işin yenidən qurulmasına ehtiyac var. İdeal orqan yoxdur. O cümlədən, parlamentin də işində ola bilsin yetərincə nöqsanlar var. Ancaq bu bir reallıqdır ki, müasir Azərbaycan dövlətçilyində 5-ci çağırış Azərbaycan Parlamentində təmsil olunan deputatların hər birisinin xüsusi çəkisi, nüfuzu və xidmətləri mövcuddur.

Yeni təşkil olunacaq parlamentə uğurlar arzulayıram, səhvlərdən nəticə çıxarmağı arzu edirəm. Arzu edirəm ki, hər zaman parlament xalq-xalq parlament və dövlət başçısı cənab İlham Əliyevin siyasəti yerlərdə daha geniş şəkildə təbliğ olunsun, ona daha çox dəstək verək!
Müzakirələr başa çatdıqdan sonra vitse-spiker Bahar Muradova növbədənkənar parlament seçkilərinin keçirilməsi ilə bağlı Milli Məclisin ölkə başçısına ünvanladığı müraciətin mətnini oxudu. Müraciət səsə qoyularaq qəbul olundu.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı [email protected] e-mail adresinə göndərin







Milyarder bəşəriyyətin təhlükəsizliyi üçün 10 milyard dollar vəsait ayırıb


Şərh yaz

Şərh yaz

yenilə, əgər kod görünmürsə