Balakən rayon Mərkəzi kitabxanasında Ümummilli Lider Heydər Əliyevin anadan olmasının 100 illiyi ilə əlaqədar “Zirvədən boylanan dahi” adlı şeir müsabiqəsi keçirilib.

Kitabxanadan Balaken.info-nun bölgə müxbirinə bildirilib ki, tədbirə başlamazdan əvvəl Ulu Öndərin və ərazi bütövlüyümüz uğrunda canlarından keçən şəhidlərin xatirəsi bir dəqiqəlik sükutla yad edilib.

Balakən rayon Mərkəzləşdirilmiş Kitabxana Sisteminin direktoru Məryəm Tağıyeva çıxış edərək, Ümummilli Lider Heydər Əliyevin xalq və Vətən qarşısındakı tarixi xidmətlərindən danışıb. Diqqətə çatdırılıb ki, müsabiqənin keçirilməsində məqsəd Ulu Öndərin zəngin fəaliyyətinin uşaq və gənclər tərəfindən daha dərindən öyrənilməsi işinə töhfə verməkdir.

Müsabiqənin yekun mərhələsində 31 nəfər öz ifaçılıq qabiliyyətini nümayiş etdirib. İştirakçılar Ümummilli Lider Heydər Əliyevə həsr edilən şeirlər səsləndiriblər. İfaçıların çıxışları münsiflər heyəti tərəfindən qiymətləndirilib.

Müsabiqədə fərqlənənlər diplomlarla mükafatlandırılıblar.