» » Keçmişin əziyyəti, bu günün bəhrəsi

Keçmişin əziyyəti, bu günün bəhrəsi


Balakən Dəmir Yol Stansiyası Bakıya gedərkən ən çox baş çəkdiyim , istifadə etdiyim obyektlərdən  olub. Uzun yolu rahat getmək üçün təbii ki, qatar əvəz edilməz vasitədir. Nəzərimdən qaçmayıb, Balakən stansiyası yol boyu getdiyimiz digər stansiyalardan səliqəliliyinə , sakitçiliyinə görə seçilir. Bu stansiyada ətrafı sanki Balakənin gözəl təbiəti, necə deyərlər, " Balakən ətri " bürüyür hər yanı.

Uzun müddət öncə dəmiryolu ilə səyahət edərkən başıma gələn bir əhvalatı hərdən düşünürəm. Vaqona bir ağsaqqal mindi, nədənsə dəmiryol işçiləri onu böyük hörmətlə qarşılayırdılar. Kişini ilk baxışdan diqqətlə süzürdüm və təsadüf elə gətirdi ki, bu ağsaqqal mənim yanımda əyləşdi. Yol boyu biraz ordan - burdan söhbət etdik.  Qocaman dəmiryolçu olduğunu, bir zamanlar burda çalışdığını dedi. Yaşım elə çox deyildi, hələ məktəbli idim. Ən çox danışdığı isə 90 - cı illər dövrü idi. O çətin , ağrılı - acılı dövr. Təbii ki, o zaman bütün sahələrdə işləmək çətin idi, müsbət iş görmək isə olduqca çətin bir məsələ idi. Vəziyyət indiki kimi deyildi, bunu hər birimiz bilirik. Mən ağsaqqaldan onda öyrəndim ki, 90 - cı illərdə Balakən Dəmiryol Stansiyasının rəisi Nəsib Məhəməliyev olub. Özümü bildiyim vaxda Nəsib Məhəməliyev Balakən rayon İcra Hakimiyyətinin başçısı idi, hələ ibtidai sinifdə oxuduğum vaxtı isə Bakının Nəsimi rayonuna İcra başçısı təyin edilmişdi. O zaman Nəsib müəllimin  haqqında bildiyim sadəcə bu qədər idi . Ağsaqqal qatarda  onun rəhbərlik keyfiyyətləri , o dövrdə birlikdə stansiyada necə böyük zəhmətlə işləmələri barədə danışırdı. Nəsib müəllimə qarşı ilk fikirlər məndə məhz qatarda, həmən o yolda gedərkən formalaşdı. Sonradan təbii ki, canlı ünsiyyət qurmaq şansımız oldu. Hər dəfə dəmiryolu ilə gedəndə o ağsaqqalı , o dövrdə görülən işləri , çəkilən əziyyətləri xatırlayıram.


Ümumilli liderimiz Heydər Əliyev o dövrdə Azərbaycanı ayaqda saxlamaq üçün nələr etməmişdi ? Nə əziyyətlər çəkilməmişdi o zamanlar ? İndi bir gənc tarixçi olaraq o dövrə nəzər salanda, o dövrü araşdıranda insan heyrətə gəlir. Gerçəkdən ağır yük idi. Həmən ağsaqqalın sözlərini öz beynimdə təsdiqlədim , ona görə ki, Heydər Əliyev kimi dərin dövlət biliyi olan bir lider onların kollektiv rəhbərinə 39 yaşında Balakəni əmanət etmişdi. Əgər orda iş elə möhtəşəm olmasaydı, elə gözəl qurulması idi, hər halda stansiya rəisinə dövlət başçısı belə etimad göstərməzdi. Ümumilli liderin böyüklüyü də bunda idi. Heydər Əliyev hər zaman bir lider olaraq əməyə qiymət vermiş , işləyən kadrları hər daim qabağa çəkmişdir. Atasının o müdrik siyasətini bu gün də oğlu böyük ustalıqla davam etdirir.


O ağsaqqal həyatdadır, ya yox, bilmirəm, bu gün artıq Nəsib Məhəməliyevdə Balakənin deputatdır. Yenə Balakəndə, doğma evində,  camaatın xidmətindədir. Ancaq hər dəfə dəmiryolu ilə gedəndə sanki keçmiş, heç görmədiyim günlər canlanır gözümün  qabağımda. Bu gündə stansiyaya gedərkən gənc dəmiryolçuların səmimiyyəti , insanla münasibəti və öz işinə olan məsuliyyəti, keçmişdə çəkilən əziyyətlərin hədər getmədiyini göstərir. Bunu görəndə insan daha da sevinir.

Balaken.info
Zeynal Əmraliyev

Şəkidə ölümlə nəticələnən ağır yol qəzası baş verib


Şərh yaz

Şərh yaz

yenilə, əgər kod görünmürsə